Partiya Herêmên Demokratîk (DBP), di Kongreya Awarte ya 2022’yan de biryar girtibû li gelek bajarên bakurê Kurdistaanê xwe jinûve bi rêxistin bike. Piştî vê biryarê DBP’ê li Riha, Şirnex, Êlih, Sêrt, Semsûr, Çewlik, Dêrsim, Mûş, Agîri, Îdir, Erzirom û Colemêrgê car din xwe bi rêxistin kir. DBP, dê di 12’ê îlonê de li Enqereyê 7’emîn Kongreya Awarte li dar bixe.
DBP, dê beriya kongreyê di 5’ê mijdarê de li Amedê konferanseke giştî li dar bixe. Ji bo ji Kurdistan û Tirkiyeyê bi hezaran kes tev li konferansê bibin, xebat hatin destpêkirin. Konferans dê bi dirûşma “Bi civaka rexistinkirî ber bi jiyana azad” bê lidarxistin. Tê payin ku dirûşma kongreyê û ya konferansê yek be.
Di konferansa li Amedê de dê nexşerêya serdema nû ya partiyê were ragihandin. Hat zanîn ku mijara esasî ya nexşereyê dê tecrîda girankirî ya li ser Rêberê PKK’ê Abdullah Ocalan be.
Her wiha dê di konferansê de namzetên Hevserokatiya Giştî û rêveberiya nû ya partiyê bên eşkerekirin. Hat destnîşankirin ku dê hevserokên giştî biguherin û di rêveberiyê de jî guherînên girîng pêk bên.
Hat hînkirin ku dê tenê delege tevlî kongreyê bibin.
