Tepişteyanê Zîndanê Ereglî yê Konya Enver Ahmet, Teymur Enes, Muhammed Bru, Murat Avci, Îlyas Acar, Mehmet Can, Ferhat Kaya û Faruk Canî derheqê şîdet, teda û îşkenceyan de muracatê ÎHDyî kerd. Tepişteyan bi mektubanê xo qala îşkence, binpaykerdişanê heqan û kerdişanê xiraban kerde.
Nameyê tepişteyan ser o Ahmet Enverî mektube şawite ÎHDyî. Enverî mektube de ard ziwan ke o 26 serrî yo tepişte yo û vat: ”Ez reya verêne raştê tedayêka hende girane yena.”
Enverî mektube de wina binpaykerdişê heqan û kerdişê xirabî rêz kerdî:
”Ma raştê kerdişan û cezayanê keyfîyan yenê.
-Ma binê tecrîdê giranî de tepişîyenê.
-Hucreyanê ma de warê hewagirewtişî çin o.
-Şertê zîndanî bi xirabî tesîrê weşîya ma kenê. Ma nêeşkenê hewayê pakîyî bigêrê.
-Seba ke hewa nêno kincê ma zî ziwa nêbenê.
-Zor dîyeno ke ma tepişteyanê edlîyan de heman korîdorî bişuxilnê.
-Tepişteyê nêweşî nênê dermankerdene, dermanî nênê dayene.
-Ma nêeşkenê heqê xo yê spor û kulturelî bişuxilnê.
-Heqê ma yê pêvînayîşan bi 45 deqayan ameyo sînordarkerdene.
-Hucreyê ma şewe û roje pê kamerayan yenê teqîbkerdene û kamerayî tuwalet û robaran zî vînenê.
-Pancerayê hucreyanê ma pê têlan girewte yê.
-Embazê ma yê ke cezayê înan qedîyayê, bi bahaneyan û cezayan vera nêdîyenê.”
