Seba azadîya Rayberê Şarê Kurdî Abdullah Ocalanî 10ê teşrîna verêne de xeylêk merkezanê dinya de Hemleya ‘Abdullah Ocalanî rê Azadîye, Meseleya Kurdan rê Çareserîya Sîyasîye’ dîyabî destpêkerdene. Endama Merkezê Cigêrayîşî yê Seba Demokrasî yê Îtalya û huqûqnase Michela Arricale zî tewra na hemle bîye û paştî da ci.
Arricala ke Hemsereka Koma Mudaxeleyê Huqûqî ya Mîyanneteweyî ya wina vat: ”A raşte tecrîd dûştê pêro qanûnanê neteweyîyan û mîyanneteweyîyan o û binpaykerdişê krîteranê Huqûqê Înfazê Ceza yê Mîyanneteweyî yo. Seba ke qala tecrîdê vera Ocalanî bêra kerdene asta Konseya Ewropa de ganî vatişêko newe bêro peydakerdene.”
Michela Arricale bêvengîya dezheganê mîyanneteweyîyan a vera tecrîdî rexne kerde û vat: ”CPT ganî raporê xo yê serê Îmraliyî eşkera bikero. Seba ke Ocalanî ra wextêkê dergî ra nata xeberêke nêna girewtene sîstemêko winayên awan beno ke tede serdestî eşkenê her çî bikerê. Nika asta mîyanneteweyîye de ma xîret kenê ke mîyanê Yewîya Avûkatan a Konseya Ewropa de tedaya CPTyî bikerê ke wa raporê xo eşkera bikero.
Seba azadîya Ocalanî ganî krîterê huqûqî yê mîyanneteweyîyî bi hawayêkê raştî bêrê şirovekerdene. Seba ney zî ganî ma têbigêrê. No seba ma cewherê têkoşînî yo. No têkoşîn hem mîyanê welatî de hem zî asta avûkatanê Ewropa yê averwazan de do bêro kerdene.” ROMA
