Dostên kurdan di 10’ê Cotmehê de bi daxwaza “Ji Abdullah Ocalan re Azadî, Ji Pirsgirêka Kurd re Çareseriya Siyasî” li 74 navendên cihanê pêngaveke nû dan destpêkirin. Meclîsa Jin ya Binarê Qendîlê di çarçoveya pêngava 10’ê Cotmehê de bi pêşengiya Tevgera Jinê ya Azad a Kurdistanê (RJAK) daxuyaniyek da. Daxuyanî li gundê Aliye Reşe ji aliyê endama Meclîsa Jinên Binarê Qendîlê Kenar Huseyîn ve hate dayin.
Kenar Huseyîn diyar kir ku li ser Rêber Apo tecrîdeke giran tê meşandin û wiha got: “Rêber Apo 25 sal in di nava sîstema tecrîd û êşkenceyê ya Îmraliyê de ye. Nêzî 3 sal in agahî jê nayê wergirtin. Dewleta faşîst a tirk nahêle ku malbat û parêzerên wî hevdîtinê pê re bikin. Em weke Meclîsa Jinê ya Binarê Qendîlê em tevlî vê kampanyayê dibin. Her wiha bang li jinan hemûyan dikin ku ji bo azadiya fîzîkî ya Rêber Apo beşdarî kampanyayê bibina.”
