Ji edîtorên RojNewsê Silêman Ehmed 1’ê Cotmehê ji bo dîtina malbata xwe bi rengekî fermî bi erêkirina hikûmeta herêma Kurdistanê serdana malbata xwe ya li Rojava kiribû, lê belê 25’ê Cotmehê dema vegeriya ji aliyê hêzên PDK’ê ve hatibû revandin. Bi rojan agahî jê nehat wergirtin û ji ber nerazîbûna civakî ya zêde, PDK neçar ma li xwe mikur bê ku wan rojnameger binçav kirine. Lê belê hîn jî nayê zanîn bê li ku derê ye û di bin kîjan şert û mercî de girtî ye. Tevî hewldanên saziyên mafên mirovan û parêzeran jî têkildarî rojnameger Silêman Ehmed agahî nehate dayin.
Komîteya Parastina Rojnamegeran (CPJ) têkildarî mijarê daxuyaniyek da û xwest tavilê cihê Silêman Ehmed bê aşkerakirin, bêşert bê berdan û dawî li zexta li ser rojnamegeran bê anîn.
Koordînatorê Bernameya Rojhilata Navîn û Bakurê Efrîkayê ya CPJ Sherîf Mansoûr li Washîngtonê daxuyaniyek da û wiha got: “Li Kurdistana Iraqê rojnameger bi rengekî rêk û pêk neqanûnî têne binçavkirin, di binê çavan de êrîşên fîzîkî li wan tê kirin. Ev yek nayê qebûlkirin. Divê rayedarên Kurd ên Iraqî destûrê bidin ku rojnameger bi rengekî azad û bêtirs karê xwe bikinDivê rayedarên kurd ên iraqî cihê rojnameger Silêman Mûhammed Ehmed tavilê aşkera bikin, îdiayên ku pê sûcdar dikin betal bikin û bêşert berdin.”
