DBPyî Kongreyê xo yê Asayî ra ver heme şarî dawetê konferanso ke do siba serê sibayî Amed de pê bêro kerd. Do 12ê Teşrîna Peyêne de Anqara de kongreyê asayî yê DBPyî bêro viraştiş. DBP do kongre ra ver 5ê Teşrîna Peyêne de Amed de bi sloganê ‘Bi komelê rêxistinkerde reyde ver bi cuya azade ra’ bi tewrbîyayîşê şarî konferans pê bîyaro.
‘Do tecrîd babeta ma ya yewine bo’
Hemsereka DBPyî ya Amedî Sultan Yaraye da zanayîş ke DBP bi hawayêkê xurt xo bi rêxistin keno û vat: “Tena Amed de nê ma do her cayê Kurdistanî de vila bibê. Do tecrîdê serê Abdullah Ocalanî bibo babeta ma ya yewine. Semedo ke tecrîd dewam keno şer zî xorîn beno û şarî ser de tesîr virazeno. Semedo ke şer peynî bibo ganî tecrîd wedarîyo. Seba heqê ziwan, seba heqê xoza û seba şarê kurd û şarê bindest ganî tecrîd wedarîyo.”
‘Hêvîya şarî ma ra esta’
Yaraye dewamê qiseykerdişê xo de ard ziwan ke 22yê Teşrîna Verêne de kongreyê xo pê ardî û xeylê kesî ameyî zîyaretê înan. Sultane da zanayîş ke şar kişta înan de yo û vat ke ê fikirîyenê ke do konferansê înan ê Amedî zî bi coşêk gird derbaz bibo.
Venga seba konferansî
Yaraye qiseykerdişê xo yê peyênan de semedê konferansê 5ê Teşrîna Peyêne veng kerd û wina vat: “Semedê konferansê 5ê Teşrîna Peyêne yê Amedî ma heme şarê xo dawet kenê. Wa her kes bi kincanê xo yê kurdîyan tewrê konferansî bibo. Wa şar fikrê xo bi hawayêkê azad bîyaro ziwan. Bêrê ma pîya deyranê xo bivajê û ma bibê yew, ma pîya pare bikerê û wayîrê azadîya xo bivejê.” AMED
