Bi wesîleya serrgêra roja ke Rayberê Şarê Kurdî Abdullah Ocalan şîyo Îtalya Parlamentoyê Îtalya de bi sernameyê ‘Tirkîya de Heqanê Sîyasîyan û Dewaya Abdullah Ocalanî” kombîyayîşê çapemenîye ame kerdene.
Senator Tino Magni, wekîlo verên Giovanni Russo Spena, karîkaturîst Zerocalcare, endamê Ofîsê Enformasyonî yê Kurdîstanî Yilmaz Orkan û serekê Partîya Keskan Angelo Bonelli tewrê kombîyayîşî bîyî.
Senator Tino Magniyî venga hukmatê Îtalya da ke seba şiknayîşê tecrîdî têbigêro. Giovanni Russo Spenayî qala xebatanê seba azadîya Rayberê Şarê Kurdî kerde.
Karîkaturîst Zerocalcareyî bale ante rolê merkezî yê îdeolojîya Abdullah Ocalanî ser, têkoşînê kurdan ê vera DAÎŞî û Şorişê Rojawanî ser.
Yilmaz Orkanî îfade kerd ke azadîya Abdullah Ocalanî seba haştîya herême û Rojhelatê Mîyanênî zaf girîng a. Bonelliyî ard ziwan ke pawitişê kurdan erkê pêro merdiman o. ROMA
