Heyetê Rayberdişî yê Merkezî yê HDPyî seba kne birê Mehkemeya Qanûnê Bingeyîyî û mudaxeleyê QMByî yeno kerdene kombîyayîşêk kerd.
Kombîyayîşî ra dima Hemserekê HEDEPî Tuncer Bakirhanî eşkerayîye daye çapemenîye.
Bakirhanî vat: ”Îqtîdarê AKPyî ra nata bi taybetî nê serranê peyênan de bêhuqûqîyê pîlî qewimîyenê. Tirkîya 2015 ra nata bi rejîmê Rewşa Îstîsnayîye (OHAL) yena îdarekerdene. Tewr peyên vizêr Dayîreyê Ceza û Serdozgerîya Komare ya Mehkemeya Berze ya Temyîzî gerreyê MQByî kerd. Mesuldarê na facîaya huqûqî îtîdarê AKP-MHPyî yo.
Mehkemeya Berze ya Temyîzî ya ke dewaya qefilnayîşê HDPyî de goreyê huqûqî tênêgêraya, sey hemkara îqtîdarî têgêrena. Mehkemeya Berze ya Temyîzî bi israrî embazanê ma yê sey Selahattîn Demîrtaş, Sebahate Tuncel û Leyla Guven vera nêdana. Vizêr zî na mehkeme bi destekê îqtîdarî vera MQByî xîretê darbe kerd. Ameyoxê welatî binê tehlukeyî de yo.
Mehkemeya Berze ya Temyîzî vera sîstemê mehkemeyan û Qanûnê Bingeyî vejîyena û xîret kena ke darbe bikera. Vera ney ganî cade bira MQB û Mehkemeya Heqanê Merdiman a Ewropa (MHME) bêra caardene. Ma sey HEDEPî vera nê darbeyanê sîyasîyan ê. Ma do pîya heqê nê xîretan ra bêrê. Ganî cade bira MQByî ya serê Can Atalayî bêra caardene û pêro embazê ma yê tepişteyî vera bidîyê.
Ez venga Meclîs, Serekîya Meclîsî dana ke vera nê xîretê darbe têbigêrê. Vera na bêhuqûqîye ganî ma kuçeyan û pêro waran de partîyanê bînan reyde xo ver bidê.” ANQARA
