Şingal de serkêşîya Têgêrayîşê Cinîyan ê Azadan ê Êzidîyan (TAJÊ) de komxebata bi nameyê ‘Cinîye û Pawitişî’ yena kerdene. Komxebate Meclîsê Şarî yê Şingalî de bi beşdarîya 150 cinîyan yena kerdene.
Destpêkê komxebate de Vervatoxa TAJÊ Rihame Hico qisey kerd û vat: ”Ma îxanetê PDK û hêzanê Iraqî ra hetê DAIŞî ra ameyî qirkerdene. Gerîlayan û şerwanan Şingal pawit. O çax ma nêeşkayî xo bipawê çunke hêzê ma çin bîyî la ewro hêzê ma est ê. Xêrê fikranê Rayber Apoyî ra ma sey cinîyan ê êzidî û ereban yewca de yê. Ma do tim têkoşînê azadkerdişê Şinaglî bikerê.”
Komxebate de derheqê perspektîfê cinîye û pawitişî yê Rayberê Şarê Kurdî Abdullah Ocalanî de sînevîzyonêk ame mojnayene.
Wina pawîyeno ke hêzê YJŞyî, temsîlkarê Îdareyê Xoserî û keyeyê şehîdan qisey bikerê.
Qiseykerdişan ra dima komxebate de hîrê roniştişî do bêrê kerdene. ŞINGAL
