Edîtorê beşa erebî ya Rojnews me Silêman Ehmed roja 1’ê cotmehê ji bo serdanê çûbû cem malbata xwe ya li Taxa Şêx Meqsud a Helebê. Silêman roja 25’ê cotmehê dema xwest di ser deriyê Pêş Xabûr (Sêmalka) re derbasî Başûr bibe, ji aliyê hêzên PDK’ê ve hat revandin û ev 18 roj in agahî jê nayê girtin.
Hefteyek piştî windabûna Silêman Ehmed, asayîşa PDK’ê ya Dihokê bi daxuyaniyek tejî berovajîkirin û nerast gotin ku qaşo revandina rojnameger Silêman Ehmed ‘ne ji ber karên wî yên rojnamegeriyê ye’ û bi aşkere gefa cezakirinê li rojnameger Silêman kirin û îtiraf kirin ku wî revandine.
Silêman Ehmed nêzî 5 sal in di beşa erebî ya Rojnews’ê de wek edîtor dixebite.
Ajansa Rojnews’ê der barê mijarê de wiha got: “Em weke Ajansa Rojnewsê, tometbariyên nerast yên Asayîşa Duhokê ya PDK’ê bi tundî red dikin û şermezar dikin. Em daxwaz dikin ku aqûbeta Silêman Ehmed di zûtirîn dem de were aşkerekirin û berdan.
Li gel ku bertek û helwestên dijî revandina Silêman Ehmed zêde dibin, her ku diçe guman û fikarên li ser jiyana Silêman Ehmed jî zêde dibin. PDK ji ewlehî û jiyana edîtorê ajansa me Silêman Ehmed berpirse.”
