HEDEPî netîcenameyê konferansê îdareyanê herêmîyan ê demokratîkan ê 12ê teşrîna peyêne eşkera kerd. Konferans dîyarîya doman û cinîyanê ke Rojawan de şehîd bîyê ameye kerdene.
Netîcename wina yo:
”Weçînayîşê 2023yî de asta qîme de ma ser nêkewtî. Bêedaletî, cîyakerî û krîzo ekonomîk pîl benê. Seba ke yeno waştene ke otorîte hetê yewdest û merkezî ra bêra îdarkerdene nê meseleyî qewimîyenê. Vera ferasetê îdareyê yewperestî ma do îdareyanê herêmîyan de israr bikerê. Ma qerardar û isrardar ê ke sîyasetê xo yê Rayîrê Hîrêyînî îdareyanê herêmîyan de bîyarê ca, pîl bikerê û bi têkoşînê komelkîyî yew bikerê.
Weçînayîşanê 2019î ra dima newe ra qeyûmî tayînê şaredarîyanê ma ameyî kerdene. Ma vera ney têkoşînêko qîm û zixm nêkerd û reflekso komelkî bi qîmî rêxistin nêkerd. Ma pêro kêmasî û qîmîyanê xo ra dersî girewtî. Coka têkoşînê verê ma de ma do mesuldarîyanê xo bîyarê ca.
Fikrê Komara Demokratîke yê Birêz Ocalanî her hetî ra komarêka têdûşt û azade pêşkêş keno. Tecrîdê Îmraliyî şexsê Birêz Ocalanî de ewro pêro şaranê Tirkîya bênefes verdeno. Coka seba ke tecrîdî bişiknê ma do têkoşînê komelkîyî pîl bikerê û her ca de azadîya Birêz Abdullah Ocalanî biwazê.
HEPî ra heta HEDEPî ma ferasetê îdareyanê herêmîyan û herindanê înan rê dewam kenê. Ma do destkewteyanê ferasetê şaredarîya demokratîke, ekolojîke û azadîgîrîya cinîyan pîl bikerê û her ca de bîyarê ca.
2016 de 95 şaredarîyanê DBPyî rê, 2019 de zî 48 şardarîyanê HDPyî rê qeyûmî ameyî tayînkerdene. Şaredarîyanê qeyûman de rejîmê yewcamêrdî yeno caardene. Ma do pêro texrîbatanê qeyûman wedarnê û vera hêrişan newera awankerdişî esas bikerê. Ma do şaristananê xo dizdan û telankeran ra bixelisnê û newe ra biafernê. Ma do şaredarîyan bikerê keyeyanê şarî.
Rixmê teda û tepiştişanê îqtîdarî zî embazanê ma yê cinîyan qetî pawitişê sîstemê hemserekîye ra fek vera nêda. Ma do vera nêzdîbîyayîşanê serdestîya camêrdan her ca de têkoşîn bikerê. Ma do tim krîterê xo yê esasî hemserekîye, temsîlîya têdûşte û sîstemê fermuarî bîyarê ca. Ma do xeta xo ya more ra qetî tawîz nêdê.
Ma do vera sîstemê îdareyê merkezîyî sîstemê îdareyanê herêmîyan vilayê pêro şaredarîyanê Tirkîya zî bikerê. Ma do sîstemê xo yê îdareyanê herêmîyan de xizmetê pêro kesan, grubanê dezavantajan, astengdaran bikerê. Ma do bi îtîfaqanê demokratîkan weçînayîşanê herêmîyan ê 2024î de rolê xo bîyarê ca. Ma do hedefanê xo bîyarê ca û Komara Demokratîke awan bikerê.
Ma do qeyûman bişawê. Ma do têkoşînê azadîya cinîyan ser bivisnê. Ma do şaredarîyanê xo bivisnê destî û îtîfaqê AKP-MHPyî Kurdîstanî ra bişawê. Ma do bikerê ke şar tewrê îdareyê herêmîyî bibo. Ma do weçînayîşanê 2024î de şaredarîyan îyadeyê şarê xo bikerê. Ma bi nê hedefan xo biresnê Îdareyanê Herêmîyan ê Demokratîkî!”
