Ogun Samasto ke 19ê çeleyê 2007î Mudirê Pêroyî yê Rojnameyê Agosî Hrant Dînk verê banê rojnameyî de qetil kerd, serbest ame veradayene.
Samasto ke hêrişê Dînkî kerd bi 20ê çeleyê 2007î de otogarê Samsunî de amebi tepiştene. Samast 24ê çeleyê 2007î de ame tepiştene û sibata ravîyarte de Zîndanê Tîpê Fyî yê Kandira ra şawîya zîndanê Tîpê Fyî yê Boluyî. Îdareyê zîndanî bi sebebê ”halê holî” qerarê verdayîşê Samastî da. Samastî bado ke 16 serrî 10 mengî cezaya xo ante bîn şewe ame veradayene.
Sîyasetmedar, pawitoxanê heqan, rojnameger û xeylêk kesan hesabanê xo yê medyaya sanale de nê razîbîyayîş mojna. Bi nê parekerdişan nameyê Hrant Dînkî rojdemê Tirkîya yê Xî de vejîya rêza verêne.
