Çalakvanên “Meşa Azadiyê” ya ber bi navçeya Gemlîka Bûrsayê ve ku ji wir diçin Girava Îmraliya Rêberê PKK’ê Abdullah Ocalan 25 sal in lê tê ragirtin, ji Êlih û Sêrtê bi rê ketin.
Welatiyên ji bo meşê ji Êlihê ketine rê, li herêma 3 Yolê hatin cem hev. Welatî li vir, di dema bendawariya haziriyên meşê de stran gotin û govend gerandin. Di wan kêliyan de bi piranî dirûşmeyên “Bê serok jiyan nabe”, “Bijî Serok Apo” hatin berzkirin.
Piştî ku hazirî hatin temamkirin, welatî li wesayîtên xwe siwar bûn û ber bi navenda Amedê ve ketin rê.
Li Sêrtê jî wesayîtên welatiyên ji bo Meşa Azadiyê ketine rê, di derketina bajêr de hatin astengkirin. Welatî rêgirtina derveyî hiqûqî ji rayedaran pirsîn û polîsan bi devkî vê bersiv “Ferman wiha ye” da çalakgeran.
Welatiyên bertek nîşanî rewşê dane, helwesteke bibiryar nîşan dan. Welatiyên nêzî 2 saetan li ser rê hatine astengkirin, piştî destûrê dîsa ber bi Amedê ve ketin rê.
