Meşa Azadiyê ya ji bo azadiya fîzîkî ya Rêberê Gelanê Abdullah Ocalan û çareserkirina pirsgirêka kurd, ber bi navçeya Gemlîk a Bursayê ve duh li bakurê Kurdsitanê destpê kiribû û îro jî li bajarên Tirkiyey» destpê kir. Meşvanên ji Enqere û Mêrsînê bi rê ketin, di ketina Eskîşehîrê de gihiştin hev. Piştre jî ber bi Gemlîkê ve bi rê ketin.
Gelek kesên ji bajarên Herêma Egeyê bi rê ketin li Taxa Akincilar a navçeya Buca ya Îzmîrê gihiştin hev. Girseya ku li Mûgla, Manîsa û Aydinê hatin ba hev, ji hêla polîsan ve hatin dorpêçkirin. Girseyê bi dirûşma “Zext nikarin me têk bibin” bertek nîşanî polîsan dan.
Beriya meşê 16 kes hatin binçavkirin. Hat zanîn ku kesên hatin binçavkirin birin Şaxa Midûriyeta Ewlehiyê ya li Çankayayê. Navên hinek kesên hatine binçavkirin wiha ne: Mahsum Koç, Ayşe Silik, Cûma Kolu Kisa, Şakîr Oklav, Fulya Erdogan, Abdulganî Tellî, Fatma Funda Akbulut, Dîndar Arslangray, Ramazan Silik, Îbrahîm Esen, Nevzat Aktaş, Siraç Turgal, Emanet Kaban, Kudbettîn Karagoz û Kamîl Dag.
Tevî êrîşa polîsan jî gelek kes bi wesayîtên xwe yên taybet ber bi Gemlîkê bi rê ketin.
Rêwiyên Azadiyê ber bi Gemlîkê bi rê ketin
Welatiyên ku tev li Meşa Azadiyê ya ji bo azadiya Rêberê GelanAbdullah Ocalan û çareserkirina pirsgirêka kurd tê lidarxistin bûn, rêwiyên Enqere, Mêrsînê li Eskîşehîrê gihiştin hev û ber bi Gemlîkê ve bi rê ketin.
