Gerîlayanê HPGyî Fedakar Yadîgar û Qehreman Kobanêyî bi wesîleya serra 46. ya PKKyî ANFyî rê qisey kerd.
Gerîlayê HPGyî Fedakar Yadîgarî vat: ”Ma serra 46. ya PKKyî fîraz kenê ke bi keda Rayber Apoyî resayo nê rojan. Ma soz danê ke sey gerîlayanê azadîye heta peynî têkoşîn bikerê. PKKyî mîyanê 45 serran de bi hezaran şehîdî dayî. Seba cuyêka azade bedelê giranî dîyayî. No xoverdayîşo fedakar dewam keno. Ma vera dişmenî şerêkê cidîyî kenê. Dişmen her roje derbanê giranan weno. Ma soz danê ke serra 46. ya partîya xo bi serkewtişî tacîdar bikerê.”
Gerîla Qehreman Kobanêyî vat: ”Bi ronîyayîşê PKKyî şarê kurdî zî newe ra awan bi. Bi tewrbîyayîşê PKKyî ma xo şinasna. Şarê kurdî bi PKKyî serkewtişê pîlî vistî destî. Sey şerwananê azadîye yê Kurdîstanî ma hêzê xo Rayber Apoyî ra û xoverdayîşê Îmraliyî ra gênê.Hêrsê ma yê vera dişmenî her roje zêdîyeno. Heta serkewtişî ma do xo ver bidê.” BEHDÎNAN
