Merkezê Îrtîbatî û Çapemenîye yê HPGyî derheqê çalakîyanê gerîlayan ê 27-29ê teşrîna peyêne û hêrişanê artêşa tirke ya îşxalkere de bi eşkerayîyêke detayî dayî.
Eşkerayîye wina ya:
”Herêma Serhedî
27ê teşrîna peyêne de vera qereqolê Korxanî yê Îdirî de di baskan ra çalakîye ameye kerdene û 2 îşxalkerî ameyî cezakerdene.
Herêma Şehîd Delîlî ya Herêma Zapî
28ê teşrîna peyêne de, Warê Xoverdayîşî yê Girê Cûdîyî de saete 16.30, 07.00 û 09.30 de îşxalkerî ameyî pirodayene û 1 mewzî ameye derbkerdene. Saete 12.30 de gerîlayanê YJA-Starî zî 1 kameraya mobese îmha kerde. Saete 21.00 de vera têgêrayîşê helîkopteran mudaxele ame kerdene û hellîkopterî remayî.
Herêma Heftanînî
27ê teşrîna peyêne de Warê Şehîd Kenalî de hêzanê ma yê YJA-Starî 1 mewzî îmha kerde.
Hêrişê artêşa tirke ya îşxalkere
27 û 28ê teşrîna peyêne de mewzîyê Warê Xoverdayîşî yê Girê Çarçelî pê dronanê teqaberan, 28-29ê teşrîna peyêne de mewzîyê Warê Xoverdayîşî yê Girê Ortê pê gazanê kîmyewîyan û teqaberanê qedexeyan dîyayî bombayan ver.
27, 28 û 29ê teşrîna peyêne de warê Girê Reşîdî yê Garê, warê Şîlane yê Heftanînî, warê Ş3elazê yê Metîna, warê Sinînî û warê Şehîd Şerîfî yê Xakurkê dîyayî bombayan ver.
Herêmê Zap, Şehîd Delîlî, Metîna û Xakurkê dîyayî topan ver zî.” BEHDÎNAN
