Merkezê Îrtîbatî û Çapemenîye yê HPGyî nasnameyê di şehîdan eşkera kerdî. Eşkerayîye wina ya:
”Şerwanê têkoşînê ma, embazê ma Zinar Raperîn û Akîf Tolhildan 13ê temmuza 2023yî de herêma Şehîd Delîlî ya Rojawanê Zapî de hêrişê dişmenî de şehîd bîyî.
Embazanê ma Zinar Raperîn û Akîf Tolhildanî her hela xo sey milîtananê serkêşan derbaz kerde û înan prosesanê zehmetan de zî qerardarî û îdîaya têkoşînî pîl kerde. Embazanê ma bêteredutî vera hêrişanê dişmenî verê xo da koyan. Ma sere de keyeyanê înan ê ercîyayeyan rê pêro şarê Kurdîstanî yê welatperwerî rê serweşîye wazenê.
Nasnameyê embazanê ma yê şehîdan wina yê:
 |
Nameyê Qodî: Zinar Raperîn
Name û Peyname: Mucahit Gungor Cayê Bîyayîşî: Bedlîs Maye-Pî: Sitîye – Haci Fadil Tarîx û Cayê Şehadetî: 13ê Temmuza 2023yî / Zap |
 |
Nameyê Qodî: Akîf Tolhîldan
Name û Peyname: Mehmet Emîn Atug Cayê Bîyayîşî: Mêrdîn Maye-Pî: Aynure – Ramazan Tarîx û Cayê Şehadetî: 13ê Temmuza 2023yî / Zap |
Embazê ma Zinar qezaya Xîzanî ya Bedlîsî de dadîya xo ra beno. Embazê ma Zinar dima ke keyeyê ci ra xeylêk kesî tewrê gerîlayan bîyî bi qerardarî 2015 de Amedî ra verê xo dano koyan. Amedî ra dima o derbazê Herêmanê Pawitişî yê Medya beno û tîya de perwerde vîneno. Embaz Zinar wextê hêrişanê cerganê DAÎŞî de verê xo dano Şingalî û seba pawitişê êzidîyan şer keno. Embazê ma Zinar erkê xo bi serkewtişî keno temam û ancî verê xo dano koyan. O Eyaletê Şehîd Delîl Zagrosî de tunelanê şerî de çalakîyanê serkewteyan keno. Embazê ma Zinar heta şehadetê xo nêvindeno. Ma soz danê ke vîrameyîşê ey mîyanê têkoşînê xo de bipawê.
Embazê ma Akîf qezaya Nisêbînî ya Mêrdînî de dadîya xo ra beno. Embazê ma Akîf hêverî tewrê xebatanê ciwanan beno, bi aktîfî tîya de têkoşîn keno û çend reyî yeno destbendkerdene. Embaz Akîf seba têkoşînê xurtêrî verê xo dano koyan beno gerîla. Embazê ma Akîf bi kesayet û tewirê xo tim pêro embazanê xo rê beno nimûne. Bi taybetî embaz Akîf nêzdîbîyayîşanê xo de, verê embazanê xo yê cinîyan de bi dîqatî têgêreno û bi nê hawayî beno mazharê hûrmet û heskerdişî. Embazê ma Akîf bi şehadetê xo beno nîşaneyê îfade û îdîaya serkewtişê ma. Ma soz danê ke şehadetê ey bikerê sebebê serkewtişê xo.” BEHDÎNAN
