25ê çeleyê 2021î ra nata her çarşemeyî verê temsîlkarîya Neteweyanê Yewbîyayeyan (NY) a Cenevre de seba azadîya Rayberê Şarê Kurdî Abdullah Ocalanî çalakîya roniştişî yena kerdene.
KCDK-E bi eşkerayîyêke da zanayene ke bi wesîleya serrgêra hîrêyîne ya çalakîye Cenevreya Swîsre de rayraşîyayîşêk do bêro kerdene. KCDK-E pare kerd ke rayraşîyayo merkezî 13ê kanûne de do bêro kerdene.
KCDK-E eşkerayîya xo de tecrîdê Îmraliyî yê vera Rayberê Şarê Kurdî Abdullah Ocalanî şermezar kerd. KCDK-E pê hesna ke vera tecrîdî û seba azadîya Abdullah Ocalanî xeylêk cayan de çalakîyî yenê kerdene ke çalakîya Cenevre zî nînan ra yew a.
KCDK-E vat: ”Ma çalakîya Cenevre ya ke hîrê serrî yo bi qerardarî dewam kena, selam kenê. Bi na wesîle ma venga pêro kurdîstanijan û dostanê înan danê ke tewrê rayraşîyayîşê merkezî yê 13ê kanûne bibê.”
