Hemwelatîyo êzidî Rojîn Hedado ke Fermanê 3ê Tebaxe ya 2014 de hetê çeteyanê DAIŞî ra ame remnayene û badê 9 serran hetê hêzanê asayîşî yê Rojawanî ra ame xelisnayene, resa Şingalî.
Rojîn Hedad gama ke hêrişê qirkerdişî yê vera êzidîyan de ame esîrgirewtene 17 serre bi.
Rojîn Hedad 26ê teşrîna peyên de hetê hêzanê asayîşî yê Kantonê Cizîre ra yo ke pabesteyê Îdareyê Xoserî yê Rojawanî yo, nêzdîya Idlîbî de ame azadkerdene. Hedad badê 9 serran vizêr resa Şingalî. Rojîn Hedad hetê Îdareyê Xoserî yê Şingalî û keyeyê ci ra bi coşê pîlî ame pêşwazîkerdene.
3ê tebaxa 2014î de fermanê çeteyanê DAIŞî yê vera Şingalî de bi hezaran êzidîyî ameyî remnayene. Bado ke hêzanê YPG û YPJyî Rojawan û gerîlayanê HPG û YJA Starî û hêzanê YBŞ û YJŞyî Şingal azad kerd bi seyan esîrî ameyî xelisnayene la heme aqibetê bi seyan êzidîyan nîno zanayene. ŞINGAL
