Rojnameya xwebûnê di hejmara 209’an de cih da kampanya xwendina pirtûkên Rêberê Gelan Abdullah Ocalan a ku di çarçoveya hamleya “Ji Abdullah Ocalan re azadî ji pirsgirêka kurd re çareseriya siyasî” li ewropa û cîhanê hatiye destpêkirin. Rojnameyê di manşete de destnîşan kir ku li çar aliyên cîhanê pêşeng û nûnerên civakê li dora fikr û felsefeya Rêberê Gelan Abdullah Ocalan kom dibin û bi xwendina pirtûkên Ocalan pêşiya xwe ronî dikin. Rojnameyê senka xwîneran jî bibîr xist û got: “Rêber Ocalan wekî rêberê gelan pênase dikin û destnîşan dikin ku çareseriyên hemû pirsgirêkan bi fikrên Ocalan pêkan e.”
Rojnameyê di surmanşeta “Yenî: Em ê li pey doza cewheran bin” de cih da çîroka Menîce Yenî ku hestiyê kurê wê di qutiyê de radestî wê hatiye kirin.
Rojnameyê di bin banşeta “Eyşê Şen awaz e” de jî bi minasebeta salvegera dilovaniya hunermend Eyşê Şen li ser jiyan û hunera wê nivîsî. Di rûpela Jinê de jî cih da nivîsa Adar Gulan a bi sernavê “Heval Evîn; Stargeha jiyanê ye”. Adar Gulan li ser bajarê Parîsê nivîsî. Gulan di nivîsê de wiha dibêje: “Ax Parîs, tu ji xelkê re şûnwargeha evînê yî; ji bo kurdan, gef û xefika kuştinê yî. Jiyan, li dora evîniyê ciwan, vejîn dibe. Evîn Goyî, di xeta dîroka têkoşînê ya 34 salan a azadiyê de, li gel herikîna xewn û xeyalên xwe mezin bibû…”
Rojname dîsa di rûpela jinê de cih dide nirxandina Hevseroka KCDK-E’yê Zubeyde Zumrut. Zumrut diyar dike ku xebata ku dostên kurdan li 74 navendan dest pê kir bû xebateke cihanî û dibêje: “Xebatên ku hatin destpekirin ji aliyê dostên kurdan ve hatin destpêkirin. Lê ev dost bi keda Rêber Apo hatine vê astê. Em ê xebatan mezin bikin….”
Di rûpel 6’an de jî cih dide nirxandina Sekreterê Neteweyî ya Têkiliyên Navneteweyî ya Rêxistina Syndycal ya Karkerên Aragon (OSTA) Pedro Lobera. Pedro Lobera nerînên xwe yên der barê rewşa Abdullah Ocalan de wiha dibêje: “Ocalan Rêberê siyasî yê gelê kurd e. Lê ji vê wêdetir, rêberê bîrdoziyeke gerdûnî ye. Ji ber vê yekê pêdivîbi azadiya Ocalan heye.”
