Meclisa Sûriyeya Demokratîk (MSD) bi beşdariya 400 kesan ji delege û mêvanên hundir û derveyî Sûriyeyê 4’emîn kongreya xwe li dar xist. Di kongreyê de nîqaş û gotûbêjên berfireh li ser guhertina hinek xalan di avahiya navxweyî ya meclisê, rêziknameya hundirîn a meclisê, belgeyên siyasî, nexşerê û plansaziya karên meclisê hatin kirin. Kongre bi hilbijartina Leyla Qehreman û Mehmûd Mislit bo hevserokatiya nû hatin hilbijartin.
Di dawiya kongreyê de daxuyeniyek weşand û ev tişt parve kir: “Ji bilî çareseriya siyasî û diyalogê tu riyên din tune ne, bi darê zorê tu encam nikarin werin girtin. Xebatê li ser çalakkirina diyaloga Sûriyeyî-Sûriyeyî were kirin. Bi vê re jî têkilî bi dewlet û aliyên di dosyaya krîza Sûriyeyê de bandor in dewam bike. Xebat li ser başkirina rewşa sûriyeyiyên di kampên koçberiyê de were kirin û mafê her hêzeke Sûriyeyê heye ku her lihevkirineke çandî bi her alî ve li dar bixe. MSD girîngî dide rizgarkirina hemû herêmên ku hatine dagirkirin.”
