Serkêşanê Têgêrayîşê Cinîyan ê Kurdan ra Evîn Goyî, Hunermend Mîr Perwer û welatperwer Abdurrahman Kizil par 23ê kanûne de Paytextê Fransa Paris de ameybî qetilkerdene. Serrgêra Qirkerdişê Parisî yê 2. de kurdî û dostê înan Paris de bi waştişê hesabpersayîşî vejîyayî waran.
Şar saetanê serê sibayî de Merkezê Kulturî yê Ahmet Kayayî ke tîya qirkerdiş amebi kerdene û warê rayraşîyayîşî Gare du Nord de ame têhet.
Şarederaya Herêma 10. ya Parisî zî fotografê Sakîne Cansiz, Fîdan Dogan û Leyla Şaylemez ê ke 9ê Çeleyê 2013yî de Paris de ameybî qetilkerdene û fotografê aktîvîstanê ke par ameyî qetilkerdene banê şaredarî de daliqnayî.
Şaredara Herêma 10. ya Parisî Alexandra Cordebard, Senatorê Partîya Sosyalîstê yê Parisî Rémi Féraud, Vervatoxê Partîya Komînîstî ya Fransa û Senatarê Parisî Ian Brossat, Serekê Komeleya Paştdayîşî yê Fransa-Kurdîstanî Pascal Torre, Wekîl Danielle Simonnet, Julien Bayou , Hetkarê Şeradarê 19. yê Parisî François Béchiequ tewrê rayraşîyayîşî bîyî.
Rayraşîyayîş hetê çapemenîya cayî û neteweyî yê Fransa ra zî yeno teqîpkerdene. PARIS
