Merkezê Îrtîbatî û Çapemenîye yê HPGyî nasnameyê nasnameyê çar şehîdanê Operasyonanê Şorişgêran ê Xakurkê û Zapî eşkera kerdî. Eşkerayîye wina ya:
”23 û 24ê kanûna 2023yî de ma eşkerayîyanê xo de dabî eşnawitene ke Operasyonê Şorişgêrî yê Xakurkê û Herêma Şehîd Delîlî ya Rojawanê Zapî de embazê ma Memyan, Welat, Helmet û Huseyînî bi ruh û cesaretê Apogîrî şîyê serê dişmenî û şehîd bîyê.
Embazê ma Memyan Operasyonê Şorişgêrî yê Şehîd Ahmet Rûbarî de dekewt mewzîyanê îşxalkeran, derbî dayî dişmenî ro û asta fedayîtîye de şehîd bi.
23yê kanûna 2023yî de Operasyonê Şorişgêrî yê Girê Amedîyê de zî embazanê ma Helmet, Welat û Huseyînî serkêşîye kerde, derbê giranî dayî dişmenî ro, ala embazanê ma Ciwan, Andok û Botanan bi layîqî kirişte û şehîd bîyî.
Gerîlayê Azadîye yê Kurdîstanî fedayîtî û îradeyê Apogîrî kenê terzê cuya xo û bi nê hawayî benê hêvîya azadîye ya şarê ma. Embazanê ma Memyan, Helmet, Welat û Huseyînî zî sey milîtananê serkêşan tarîxê azadîye de cayê xo girewt.
Ma sere de keyeyanê şehîdanê xo yê ercîyayeyan rê pêro şarê Kurdîstanî yê welatperwerî rê serweşîye wazenê.
Nasnameyê embazanê ma yê şehîdan wina yê:
 |
Nameyê Qodî: Memyan Armanc
Name û Peyname: Hakîm Tekîn Cayê Bîyayîşî: Colemêrg Maye-Pî: Begîye – Alî Tarîx û Cayê Şehadetî: 22yê Kanûna 2023yî / Xakurkê |
Memyan Armanc – Hakim Tekin
 |
Nameyê Qodî: Helmet Şahîn
Name û Peyname: Kawa Takor Cayê Bîyayîşî: Dêrelok Maye-Pî: Leyla – Kazim Şukrî Tarîx û Cayê Şehadetî: 23yê Kanûna 2023yî / Zap |
Helmet Şahîn – Kawa Takor
 |
Nameyê Qodî: Welat Serhed
Name û Peyname: Welat Sonmez Cayê Bîyayîşî: Erzirom Maye-Pî: Mihribane – Abdullah Tarîx û Cayê Şehadetî: 23yê Kanûna 2023yî / Zap |
Welat Serhed – Welat Sonmez
 |
Nameyê Qodî: Huseyîn Azad
Name û Peyname: Elyasa Çîftçî Cayê Bîyayîşî: Mûş Maye-Pî: Nurane – Mehmet Emin Tarîx û Cayê Şehadetî: 23yê Kanûna 2023yî / Zap |
Hüseyin Azad – Elyasa Çîftçî
Embazê ma Memyan Gever de dadîya xo ra beno. O wextê xoverdayîşê xoîdarekerdişî yê Geverî de 2015 de cagêno û xeylêk embazê ci şehîd benê. Embaz Memyan naye ser o 2015 de tewrê gerîlayan beno. Embaz Memyan perwerdeyan ra dima waştişê xo ser o derbazê herêma Xakurkê beno. Embaz Memyan tîya de bi coşî û xurtî tewrê têkoşînî beno. Embaz Memyan Operasyonê Şorişgêrî yê Şehîd Ahmed Rûbarî de bi fedayîtî şino serê dişmenî û xeylêk dişmenan ceza keno.
Embazê ma Helmet Dihok de dadîya xo ra beno. O wextêk embazê ma yo serkêş Dîyar Xerîb (Helmet) şinasneno û beno heyranê cuya gerîlayan. O tewrê xebatanê ciwanan beno û 2019 de zî verê xo dano koyan. O seba ke bibo layîqê nameyê şehîd Helmetî bi xurtî tewrê perwerdeyan beno û xo aver beno. O Zapî ra heta Metîna vera îşxalkeran şer keno. Embazê ma Helmet Operasyonê Şorişgêrî yê Girê Amedîyê rê serkêşîye keno û derbanê giranan dano îşxalkeran ro.
Embazê ma Welat Erzirom de dadîya xo ra beno. Embazê ma Welat şehadetê merdimê xo şehîd Denîzî ra dima tewrê xebatanê ciwanan beno. Rixmo ke çend reyî ame destbendkerdene zî o têkoşînê xo ra fek vera nêdano û 2014 de zî tewrê gerîlayan beno. Embaz Welat wextê hêrişanê DAIŞî de Rojawan de şer keno. Serkewtişê Rojawanî ra dima o agêreno koyan. O Metîna û Herêma Şehîd Delîlî ya Rojawanê Zapî de cepheyê şerî de tewr vernî de cagêno û ala xoverdayîşî keno berz.
Embazê ma Huseyîn Mûş de dadîya xo ra beno. Embaz Huseyîn ciwanîya xo de şino metropolan û tîya de tewrê xebatanê ciwanan beno. Hêrişanê DAIŞî û Xoverdayîşê Kobanê ra dima embaz Huseyîn waya xo Roza reyde 2014 de tewrê gerîlayan beno. O Kerkûk û Mexmûr de vera DAIŞî şer keno û dima agêreno koyanê Zapî. O mîyanê tîmanê hereketînan de cagêno û tim serkêşîya çalakîyan keno. Embaz Huseyîn rixmo ke Operasyonê Şorişgêrî de bi giranî birîndar beno, heta nefesê xo yê peyênî şer keno û şehîd beno.” BEHDÎNAN
