Varayîşê vewre bi hawayêkê xirabî tesîrê şaristananê Serhedî keno. Cayanê berzan de qasê metreyêke vewre varaye û rayîrê bi seyan dewan qefilîyayî. Şaristananê Serhedî de vewre û pûkî ra rayîrî qefilîyayî û Agirî û Qers de qezayî qewimîyayî. Qezayan de 3 kesan dinyaya xo bedilnaye û 23 kesî zî birîndar bîyî.
Erzirom, Agirî û Qers de mabên dîya perwerdeyî.
Qers de 2 otomobîlan û mînîbusêke qeza kerd. Qeza de kesêkî dinyaya xo bedilnaye û 17 kesî birîndar bîyî.
Mabênê Agirî û qezaya Bazîdî de zî otobusa raywanîye qelibîyaye û ramitox zî tede 6 kesî birîndar bîyî.
Mabênê Mûş-Pasûr-Amedî de rayîrî qefilîyayî.
Makînaya vewre ya ke seba akerdişê rayîranê qezaya Avkevirê ya Agirî xebitîyayêne qelibîyaye kendalêkî û 2 kesan tede dinyaya bedilnaye û 2 kesî zî vîndîbîyaye yê.
