Gerîlayên HPG û YJA Starê çend roj berê li Xakurkê û Metînayê li dijî dagierkên tirk operasona leşkerî dan destpêkirin û nêzî 100 dagirker ceza kirin. Ji ber ku di morgên nexweşxaneyên gerok ên li Çelê û Şemzînanê tije bûne, termên dagirkeran dibin nexweşxaneên din. Ji van nexweşnayan yek jê jî Nexweşxaneya Dewletê ya Colemêrgê ye. Li gorî agahiyên ji çavkaniyên xwecihî hatin wergirtin, gelek cenaze anîn morga nexweşxaneyê, cenazeyên ku şêniyên herêmê ji bo şuştinê anîn morga nexweşxaneyê bi zorê ji morga nexweşxaneyê hatine derxistin û cenaze bêyî ku bêne şuştin neçar mane bibin.
Mirovekî şahidê ev tişt vegot: “Rayedarên nexweşxaneyê hatin û gotin, ‘Biryara walîtiyê ye, cenazeyan ji vir bibin. Ji ber ku wê cenazeyên leşkeran bên’. Mirov neçar man ku bêyî cenazeyên xwe bişon ji nexweşxaneyê bibin. Armanca wan ew e ku cenazeyên leşkeran ji gel veşêrin. Ji ber vê yekê qedexe kirin ku kes nekevin morgê û li morgê cenazeyên xwe neşon. Ev biryar ji aliyê Walîtiya Colemêrgê ve hatiye wergirtin. Bi rojane nahêlin kes xwe nêzî morgê bikin. Li gorî agahiyên gihîştin me gelek cenaze anîn morgê, li wir têne hiştin.”
