Artêşa tirk a dagirker di 25’ê kanûnê de ji saetên serê sibehê heta saetên destpêkê yên îro heta 26’ê kanûnê navendên xizmetê yên li Qamişlo, Amudê û Kobanê bombebaran kirin. Li gorî şopandina nûçegihanên ajansa me di bomberanên ku piranî li ser Qamişlo pêk hatin de, 8 welatî şehîd bûn, 13 jî birîndar bûn. Her wiha ziyanek mezin a madî pêk hat. 8 şehîd jî di êrîşên ser Qamişlo de şehîd bûn. Dîsa di êrîşên li ser Qamişlo de 11 kes birîndar bûn. Di êrîşên ser Kobanê de jî 2 kes birîndar bûn.
Komîteya Şehîdan a Bakur û Rojhilatê Sûriyeyê nasnameya şehîdan aşkera kir. Komîteyê ev agahî parve kir: “Di êrîşan de Ferhan Xelef, Bêrîvan Mihemed, Hisên Ehmed, Riyad Hemo di êrîşa li dijî çapxaneya Sîmav de şehîd bûne, di bombebarana li kargeha êman a Cizîrê de Rênas Hemîd şehîd bûye. Di bomebarana li dijî kargehekê li taxa Eleya ya Qamişloyê de Ferhan Temê şehîd bû. Di hedefgirtina aşxaneya gundê Um El Fursan ê Qamişloyê de Aya Sebawî şehîd bû.”
Cihên ku hedef hatin girtin wiha ne:
-Derdora saet 08:00’an li bajarê Kobanê garajek wesayîtan.
-Li Kobanê heman saetê de navendek şîrketekê hat bombebarankirin.
– Stasyona trênê li bajarê Qamişloyê hat bombebarankirin.
-Navendek pîşesaziyê ya li taxa Alaya ya bajarê Qamişloyê hat bombebarankirin. Di bombebaranê de welatiyek şehîd bû.
– Li Qamişlo navendeke avakirinê ya li ser rêya harwirdorê ya bakurê bajêr hat bomebarankirin.
-Çapxaneya Simav a li ser rêya hawirdorê ya Qamişloyê hat bombebarankirin. Di êrişê de 4 karmendên navendê şehîd bûn.
– Kargeha Êman a Cizîrê ya li Qamişloyê hat bombebarankirin. Di êrîşê de welatiyek şehîd bû.
– Navenda Dirûnkariyê (Terzîxane) ya li taxa Meyslûn a Qamişloyê hat bombebarankirin.
-Li navçeya Amûdê kargeha zeytûnan a Rohilat hat bombebarankirin.
– Li Amûdê fabrîqeya nîskan hat bombebarankirin.
– Li Amûdê Salona Dawetê ya Karam hat bombebarankirin.
– Navenda Kobanê hat bombebarankirin
– Nexweşxaneya Meştenûr a li navenda bajar hat bombebarankirin.
– Kargeh û embarek pembo ya li gundê Um El-Fursan ên rojhilatê Qamişloyê hatin bombebarankirin. Di bomberanan de 2 welatî şehîd bûn.
– Gundê Şorkê yên li rojhilatê Qamişloyê hat bombebarankirin.
-Navenda avakirinê ya li taxa Enteriye ya bajarê Qamişloyê hat bombebarankirin.
-Benzînxaneya Botan (Navê berê El-Felahîn) hat bombebarankirin.
– Deverek li nêzî navenda diyalîzê ya Qamişloyê hat bombebarankirin.
– Tekane navenda oksîjenê ya li Qamişloyê hat bombebarankirin.
-Xaniyên li taxên rojavayê Kobanê hatin bombebarankirin.
– Derdora daristana Kobanê hat bombebarankirin.
– Li Kobanê li ser rêya Helebê çewlikek mirîşkan hat bombebarankirin.
Cihên navborî tenê carekê nehatine bombebarankirin. Hinek navend 2 caran, hinek 3 caran hinek 5 caran, hinek jî 6 caran hatine bombebarankirin. Êrîşa herî zêde li ser nexweşxaneya Meştenûr pêk hat. Dagirkeran 6 caran nexweşxane bombebaran kir.
