Fermandaranê Qerargehê Merkezî yê YJA-Starî ra Zozan Çewlîg bernameyê taybetî yê Stêrk Tvyî de têkoşînê gerîlayan ê serra 2023yî ercna.
Qiseykerdişê Zozan Çewlîg ra tay noqtayê girîngî wina yê:
”YJA-Starî 2023 de artêşbîyayîşê cinîyan ê 30 serran temam kerd. Artêşbîyayîşê cinîyan de keda Rayber Apoyî bêhempa ya. Coka ma ey selam kenê û tecrîdê Îmraliyî bi nefretî şermezar kenê. Ma do seba azadîya Rayber Apoyî têkoşînê xo pîlêr bikerê. Ma grevê vêşanîye yê zîndanan zî selam kenê. Ma şexsê embazanê xo Leyla Sorxwîn, Axîn Mûş, Hêjar Zozan, Gulçiya Gabar, Baharîn Efrîn, Heval Dilgêş pêro şehîdanê xo yad kenê.YJA Starî bi Operasyonê Şorişgêrî yê Leyla Sorxwîne Amed mojna ke ma rêçê şehîdanê xo de yê.
YJA-Starî 2023 de bi çalakîyanê xo morê xo da binê serre ro. YJA-Starî emser serkêşîya şerî zî bi layîqî kerde. 2023 de Rojawanê Zapî de serkêşîya YJA-Starî vernî de bîye. Embazanê ma bi çalakîyanê xo rayîr nêda dişmenî. YJA-Starî hem çalakîyê pawitişî hem zî çalakîyê hêrişî bi serkewtişî kerdî. Metîna, Avaşîn, Xakurkê, Zap û Vakurê Kurdîstanî de gerîlayê cinîyî tim mîyanê şerî de bîyî. 2023 de YJA-Starî 510 çalakîyî kerdî.
2023 senî ke sera şerî bibi serra 2024î zî do wina biba. Nşka Hemleya ‘Rayber Apoyî rê azadîye, Meseleya Kurdan rê Çareserîye’ dewam kena. Ma sey hêzanê YJA-Starî seba pîlkerdişê na hemle xo mesuldar vînenê. Tecrîdo nikayên nêno qebulkerdene. Ma vera tecrîdî zî şer kenê. Ma do qetî apey gamêke nêerzê. Bedelê ci çi beno wa bibo ma do bidê û azadîye bîyarê ca. Terz û taqtîkê ma 1ê teşrîna verêne de Anqara de hetê embazanê ma Rojhat û Erdalî ra ameyî dîyarkerdene. Ma do emser zî xeta Zîlanan, Sara û Rûkenan de têkoşîn bikerê. Serkewtiş do ê YJA-Starî bibo. Ma bi ruhê Leyla Sorxwînan, Axîn Mûşan kewenê serra newîye. YJA-Star bi hêzê xo yê cewherîyî emser kerdo serrêka xoverdayîşî ya tarîxîye. Ma serra newîye rê amade yê.” BEHDÎNAN
