Merkezê Îrtîbatî û Çapemenîye yê HPGyî derheqê çalakîyanê gerîlayan û hêrişê artêşa tirke de eşkerayîye daye û nê pare kerdî:
”Herêma Zapî
26 û 27ê kanûne de Warê Xoverdayîşî yê Girê Cûdîyî de hêzanê ma yê YJA Starî îşxalkerî bi çekanê giranan hedef girewtî û yew kameraya mobese ya îşxalkeran bi taktîkê suîkastî îmha kerde. 27ê kanûne de saetanê cemê şanî de Warê Xoverdayîşî yê Girê Cûdîyî de îşxalkerî bi taktîkê suîkastî ameyî pirodayene, di îşxalkerî ameyî cezakerdene. Roja bîne îşxalkerî eynî warî de reyna ameyî pirodayene. 29ê kanûne de Warê Xoverdayîşî yê Girê Cûdîyî de çalakîya suîkastî ya hêzanê ma yê YJA Starî de îşxalkerêk ame cezakerdene.
Şuxulnayîşê çekanê qedexeyan
26 û 27ê kanûne de Warê Xoverdayîşî yê Girê Cûdîyî yê Zapî de û Warê Xoverdayîşî yê Girê Ortê yê Metîna de mewzîyê şerî bi droneyanê teqaberbarkerdeyan, gazanê kîmyewîyan û teqaberanê qedexeyan dîyayî bombayan ver.
Bombardumanî
26ê 26 û 29ê kanûne de warê Gundê Bêşîlî, Golka, Gundê Şêlazê yê Metîna, warê Kalatuka,Bêpalan, Girê Casûs, Girê Şehîd Egîd yê Qendîlî, warê Girê Rostê, Geliyê Lolanê, Kolît, Girê Berbizina, Girê Şehîd Hawar, Sinînê yê Xakurkê, warê Deşta Kafya, Dosteka yê Garê, Warê Xoverdayîşî yê Girê Baharî yê Zapî bi desan rey bi teyarayanê şerî dîyayî bombayan ver. Reyna Xakurkê, Zap û Metîna de bi topan dîyayî bombayan ver.” BEHDÎNAN
