Gerîlayê HPGyî Kemal Pîrî bi wesîleya serrgêra 11ine ya Qirkerdişê Parisî yê 9ê Çeleyê 2013î ANFyî rê qisey kerd û şehîdê Qirkerdişê Parisî Sakîne Cansiz (Sara), Fîdane Dogan (Rojbîne) û Leyla Şaylemez (Ronahîye) yad kerdî.
Gerîla Kemal Pîrî vat: ”Embazanê ma Sara, Rojbîne û Ronahîye pêro emrê xo de vera zulmî têkoşîn kerd coka dewleta tirke ê kerdî hedef. Bi taybetî embaze Sara heta şehadetê xo qetî têkoşînî ra tawiz nêda. Embaze Sara rixmê hende îşkenceyan zî vera dewleta tirke xo ver dabi. Embaze Sara pêro emrê xo de têkoşînêko pîl kerd û bîye serkêşa ma. Şehadetê aye zî sebebê pîlkerdişê têkoşîn û xoverdayîşê ma yo.
Dewleta tirke bi qirkerdişê nê hîrê embazanê ma ancî vera şarê kurdî qirkerdiş kerd. Dişmen wazeno ke şarê kurdî çin bikero. Embaze Sara vera nê hêrişan têkoşînêko pîl kerd. Beno ke embaze Sara nika bi hawayêkê fîzîkî mîyanê ma de nîya. La mîrasê aye yê xoverdayîşî bi têkoşînê ma dewam keno. Heta ke ma qesasê embazanê xo yê şehîdan bigêrê ma do bêmabên têkoşîn bikerê.” BEHDÎNAN
