Însiyatîfa Rêber Abdullah Ocalan ji serokê nû yê OHCHR’ê re peyam şand û daxwaz kirin ku ji bo azadiya fîzîkî ya Rêber Apo têkevin nava lev û tevgerê.
Komîseriya Bilind a Mafên Mirovan a Neteweyên Yekbûyî (OHCHR) di civîna xwe ya 10`ê Çileya 2024`an de Nûnerê Daîmî yê Mexrîbê (Fas) yê Ofîsa Netewên Yekbûyî ay Cenevreyê Omar Zniber wekî serokê nû yê komîseriyê hilbijart.
Piştî belavbûna nûçeya hilbijartinê, Însiyatîfa Azadiya Rêber Abdullah Ocalan a Sûriyeyê û Însiyatîfa Parêzerên Rêber Abdullah Ocalan a Sûriyeyê ji Omar Zniber re nameyek şand.
Li gorî agahiyên ku endamên înîsiyatîfê dane ajansa me, name bi riya înternetê hatiye şandin û Omar Zniber ji ber erka wî ya nû hatiye pîrozkirin. Her wiha jê hatiye xwestin ku ji bo bidawîbûna tecrîda li ser Rêber Abdullah Ocalan û pêkanîn azadiya wî ya fizîkî mijarê bixin rojeva xwe. Di nameyê de rewşa li Îmraliyê û sûcên dijî Rêber Abdullah Ocalan jî hatine rêzkirin.
Di 31’ê kanûna 2023`yan jî hezar û 25 parêzerên li Bakur û Rojhilatê Sûriyeyê û herêmên din ên Sûriyeyê bi daxwaza azadiya fizikî ya Rêber Abdullah Ocalan, imzeyên xwe ji Rêxistina Efûyê ya Navneteweyî re şandibûn. Li gorî agahiyên me ji înîsiyatifê girtine heta niha Rêxistina Efûyê tu bersiv nedane.
