Merkezê Îrtîbatî û Çapemenîye yê HPGyî derheqê çalakîyanê gerîlayan û hêrişanê artêşa tirke ya îşxalkere de bi eşkerayîyêke agahîyî dayî. Eşkerayîye wina ya:
”Artêşa tirke ya îşxalkere eşkerayîyanê xo ya 20ê çeleyî de îdîa kerd ke Garê de 9 û Zap de zî 10 gerîlayê ma şehîd bîyê. Ma pêro fermandarîyanê xo de têkilîye naye ro û fam kerd ke artêşa îşxalkere zûran kena û îdîayê ci qetî raşt nîyê. Bombardumanê ke cêr de ma bi detayî dayê, nînan de qetî hêzê ma şehîd nêbîyî. Artêşa îşxalkere Operasyonanê Şorişgêran ê peyênan de derbê giranî werdî coka kena ke bi xeberanê zûran rayaumûmîye bixapîna û girseyanê faşîstan motîve bikera. Artêşa îşxalkere seba ke kewta halêkê xirabî nê zûran kena coka wa pê ci bawer nêro kerdene.
Herêma Şehîd Delîlî ya Rojawanê Zapî
18ê çeleyî de Warê Xoverdayîşî yê Girê Cûdîyî de îşxalkerî ameyî pirodayene û 1 mewzî ameye derbkerdene.
21ê çeleyî de Warê Xoverdayîşî yê Girê Cûdîyî de hêzanê ma yê YJA-Starî 1 mewzî derb kerde.
22yê çeleyî de Warê Xoverdayîşî yê Girê Amedîyê de îşxalkerî ameyî pirodayene û 2 îşxalkerî ameyî cezakerdene.
Hêrişê artêşa îşxalkere
17ê çeleyî de mewzîyê ma yê Warê Xoverdayîşî yê Sîda rayêke bi teqaberanê qedexeyan dîyayî bombayan ver.
Mabênê 16-23yê çeleyî de warê Siyanê, Girê Reşît, Girê Sîser, Zêvkê, Sêdarê yê Garê; warê Girê Cûdî, Girê Biharî, Girê Amediyê yê Herêma Şehîd Delîlî; warê Berbizina, Neqeba Berbizina, Ava Lolanê, Kuça Xecerê, Şehîd Şerîf, Kolîtî yê Xakurkê; warê Dergelê, Şêlazê, Serê Metîna yê Metîna û warê Şehîd Îbrahîmî yê Zapî dîyayî bombayan ver.
20-21ê çeleyî de herêmê Zap û Xakurkê bi helîkopteran dîyayî bombayan ver.
Herêmê Zap, Şehîd Delîlî, Metîna û Xakurkê dîyayî topan ver zî.” BEHDÎNAN
