Dewleta tirk bi piştiriya malbata sîxur a Barzanî û çeteyên wê PDK’ê gav bi gav başûrê Kurdistanê dagir dike. Dewleta dagirker a tirk bi salane bombe li cih û warê sivîlan ên li başûrê Kurdistanê dibarîne û bi piştgiriya çeteyên PDK’ê jî hewl dide gundan vala bike.
Balafirên şer ên tirk di 16’ê çileyê de bombe li gundên Spîndarê, Mijê û Kevne Mijê yên Amediyê barandibûn. Dewleta tirk bi daxuyaniyeke fermî gotibû, ‘Bombe li navendên PKK’ê’ hate barandin. Berovajî îdia û daxuyaniya dewleta tirk, aşkera bû ku cihên hatine bombekirin mal û axurên gundiyan e. Gundî hîn jî nikarin biçin gundê xwe. Serçeteyên PDK’ê nahêlin gundî vegerin cih û warê xwe.
Dewleta tirk di 25’ê çileyê de li gundê Sergelê yê Amediyê çîftlikek, di 26’ê çileyê de li gundê Kevne Mijê navendeke tenduristiyê bi balafirên şer bombe kir. Li gel bombardûmana giran bi tank û hawanên herêmê topbaaran dike.
Di vê navberê de aşkera bû ku serçeteyên PDK’ê hişyarî dane keyayên gelek gundên li deşta navbera Amediyê û Şeladizê û ji wan xwestine ku amadekariyan bikin ji bo di demeke nêz de gund bêne valakirin.
