Giriyên PKK-PAJK’ê di çarçoveya di çarçoveya pêngava “Ji Abdullah Ocalan re azadî, ji bo pirsgirêka kurd çareseriya siyasî” li girtîgehan dest bi greva birçîbûnê kirin, di roja 65’an de berdewam dike. Çalakiya greva birçîbûnê ya girtiyên PKK-PAJK’ê ku 3 meh li pey xwe hişt, di 27’ê Mijdarê de de hatibû destpêkirin û wê heta 15’ê sibata 2024’an bidome.
27 ‘ê Mijdarê dîroka destpêkirina çalakiyê, di heman wextê de dîroka lidar xistina ‘kongreya damezrîner’ a PKK’ê ya sala 1978’an li gundê Fîsê yê navçeya Licê ya Amedê ye. 15 ‘ê sibatê jî salvegera dîlgirtina Rêberê Gelê Kurd Abdullah Ocalan li Kenyayê di sala 1999’an de û veguhastina wî ji bo Tirkiyeyê di encama komployeke navneteweyî de ye.
Abdullah Ocalan ku ev 25 sal in li Îmraliyê di bin tecrîdê de tê ragirtin, 34 meh in destûr nayê dayîn bi malbat û parêzerên xwe re hevdîtinê pêk bîne.
