Gerîlayanê YJA Starî Delîla Botan û Medya Kobanê ke derheqê Rayberê Şarê Kurdî Abdullah Ocalanî de fîkrê xo ardî ziwan, vat Rayber Apo semedê şaranê dinya têkoşîn keno.
Delîla Botan nê vatî: ”Gama ke qala Rayberîye bena, erjê merdimîye yenê vîrê ma. Rayberîye têna semedê şarê kurdî û şaranê Kurdîstanî ney semedê şaranê Rojhelatê Mîyanênî rayîrê çareserî ramojneno. Gama ke o cuya pênas keno tecrubeyê xo ra erjneno. No zî ma de cigêrayîşê azadîye hêzdar keno. Çew xo heme zîhnîyetanê leyminan û kesayetê egoîstî yê ke kapîtalîzm afirnayo, înan ra keno pak.”
Medya Kobanê zî nê vatî: ”Rayberîyêko azadîya komelî pabesteno azadîya cinîyan, semedê ma zaf muhîm o. Xeylêk serrî yo xo semedê şarê xo feda keno û azadîya cinîyan kirişte serpilik. No zî semedê zaf berpirsîyarî afirneno. Komel ma bêqiymet vîneno la Rayberîye azadîya komelî besteno azadîya ma. No hîsêkê zaf cîyayî afirneno. Ma hêz, moral û manevîyatê xo Rayberîye ra genê. Heta ke çew fikrê Rayberîye nas mekero û felsefeya ci rê hekîm mebo, çew nêeşkeno tewrê PKKyî bibo û têkoşîn bikero. Eke ma wazenê pîya bi Rayberîye têkoşîn bikerê, ganî ma ey fam bikerê. Ma do paradîgmaya Rayberîye dahîna xorî bikerê.” BEHDÎNAN
