Rayraşîyayîşê Azadîye yo Pîl yo ke semedê azadîya fîzîkîye ya Rayberê Şarê Kurdî Abdullah Ocalanî yeno kerdene, roja 5ine de dewam keno. Raywanê Azadîye Qilebanê Şirnexî de verê banê DEM Partî de ameyî têhet. Rixmê serd û sipirî govende ameyî girewtene û slogananê “Bijî berxwedana zindanan” û ” Tecrîdî nê, cade nika haştîye ” ameyî vatene.
Parlametera DEM Partî yê Colemêrgî Oznure Bartine bale ante tecrîdê giranî yê serê Abdullah Ocalanî ser û vat: ”Ma azadîya Raberê Şarê Kurdî Abdullah Ocalanî û çarserîya meseleya kurdan wazenê. Ma 1ê sibate de Wan û Qers de dest pê rayraşîyayîşî kerd. Ma dewe, dewe û mehla, mehla gêrenê. Şarê kurdî çareserî wazeno, azadîya Rayberîya xo wezeno. Kam ke demokrasî, azadîye, yewîye û seyyewbînîye wazeno ganî paştî bido nê rayraşîyayîşî. Wa her kes vengê xo berz bikero. Ma pîya na meseleya çareser bikerê. Ma pê xo bawer ê. ma do ser bikewê.”
Namzedanê Hemşaredarîya DEM Partî yê Qilebanî Feride Ender û Ali Urekî zî raywanî selam kerdî û waşt wa tecrîdê Îmaliyî bêro wedaritene. Hemserekê DEM Partî yê Qeza Abdullah Gun de vat: ”Ma zî nê rayraşîyayîşê bimbarekî pîroz kenê. Ma wezenê ke wa meseleyê komelkî û meseleya kurdan bi dîyalojî bêrê çareserkerdene.”
Çalakwanî dima ra esnafan reyde ameyî têhet. Çalakwanî ewro do ver bi bajarekê Gundikê Mêlç yê Şirnexî rayra şirê. ŞIRNEX
