Têgêrayîşê Cinîyan ê Kurdan ê Ewropa (TJK-E) semedê tewrbîyayîşê rayraşîyayîşê Kolnî veng da ke do 17ê sibate de semedê azadîya fîzîkîye ya Rayberê Şarê Kurdî Abdullah Ocalanî bêro kerdene.
TJK-E bale ante Komployê Mîyanneteweyî yê 15ê Sibate ser û vat: ”Ma sere de dewleta tirke ya ke dişmenê merdimîye û cinîyan a, heme dewletanê ke mîyanê komployî de ca girewt, şermezar kenê. 15ê Sibate semedê ma roja tarî ya. Ma do plankerdox, kerdox û paştgêranê komployî ra hesab bipersê. Rayberê Şarê Kurdî Abdullah Ocalan 25 serrî yo mîyanê tecrîdî de yeno tecrîdkerdene, raştê îşkenceyî yeno. Rixmê heme zextan Îmrali de têkoşîno tarîxî yeno dayene.
Çarçeweya hemleya Rayber Apoyî rê azadîye meseleya kurdan rê çareserîye de zîndanan, Kurdîstan û her hetê dinya de çalakîyî yenê kerdene. Şarê ma bi paradîgmaya Rayber Apoyî, aktîvîte û çalakîyanê sey raryaşîyayîşanê dergan, rojanê wendişî, konferans, şawitişê kartan, grevanê vêşanîye keno. Cinîyê kurdan her ca de wirzenê payan ser û vanê, ‘Azadîya Rayber Apoyî azadîya ma ya.’
17ê sibata 2024î de bajarê Kolnî yê Almanya de do rayraşîyayîşo tarîxî do bêro kerdene. Ma cinîyî ganî bi coşî nê rayraşîyayîşî rê serkêşîye bikerê. Ma do 17ê sibate de bibê vengê azadîye. Ma do veng û zerrîya bi mîlyonan bibeste pê û biresnê Tîja Azadîye ya ke Îmrali de bena berze, Rayber Apoyî. Ma reyna veng danê ke wa her kes tewrê nê rayraşîyayîşî bibo ke ma vengê bi mîlyonan biresnê Îmraliyî.”
