Heyetê Merkezê Rayberdişî yê DEM Partî derheqê nîqaşanê serê namzedîya Şaredarîya Stenbolî de eşkerayîyêke daye.
Eşkerayîye wina ya:
”Derheqê namzedîya Şaredarîya Stenbolî de nîqaşî est ê. Na çarçewe de partîya ma zî Stenbol bi hawayêkê taybetî kerd babeta xo û nîqaşê hîrayî kerdî.
Nîqaşanê rayaumûmîye de nameyê Başak Demîrtaşe vejîya vernî. Bêguman desteko ke Birêze Başak Demîrtaşe dayo ma hêzêko pîl da ma. Başak Demîrtaşe bi beyanê xo yê seba namzedîya Şaredarîya Stenbolî paştî daye polîtîkayanê ma yê weçînayîşan zî. Ma destpêkê nê beyanî ra nata Birêze Başak Demîrtaşe de mîyanê têkilîyan de yê. Ma pêro qewimîyayîşî ercnayî. Ma Başak Demîrtaşe de roniştî û ma tede pêkerd ke a nêba namzeda Şaredarîya Stenbolî.
Ma do rojanê verê ma de namzedanê xo yê seba Şaredarîya Stenbolî rayaumûmîye de pare bikerê. Ma Başak Demîrtaşe rê seba destekê ci sipas kenê û zanenê ke destekê ci do prosesê verê ma de dewam bikero.”
Başak Demîrtaşe zî derheqê babete de eşkerayîyêke daye û vat: ”Ma partîya xo reyde pîya bire daye ke ez nêba namzeda Şaredarîya Stenbolî. Wa şarê ma û weçînitoxê ma bizanê ke ma na bire bi hawayêkê koordîneyî û pêkerdişî girewte. Namzedê ke partîya ma do eşkera bikera, do bibê namzedê ma yê pêroyînan. Ma do bi pêro hêzê xo hetê nê embazanê xo de vinderê û seba serkewtişê partîya xo bixebitê.”
