Konseya Serokatiya Giştî ya KCK’ê bi boneya salvegera komploya navneteweyî 15’ê Sibatê daxuyaniyek nivîskî da û ev tişt parve kir: “Em di salvegera 26’an de Komploya Navneteweyî ya 15’ê Sibatê û hêzên ku bi hemû kîn û hêrsa xwe beşdarî vê êrîşa komployê bûne, şermezar û lanet dikin. Em Rêber Apo û berxwedana wî ya bi heybet ku 25 sal in di bin şert û mercên xerab ên Îmraliyê de dîl tê girtin, silav dikin. Hûn nikarin roja me ya ku ji bo Komploya Navneteweyî ya 15’ê Sibatê negihêje armancên xwe yên tunekirinê, li dora Rêber Apo çemberek ji agir çêkiriye tarî bikin; Em hevrê Halît Oral, Selamet Menteş û Aynur Artan bi rêzdarî û minetdarî bi bîr tînin û li ber bîranînên wan bejna xwe ditewînin.”
Di daxuyaniya Konseya Serokatiya Giştî ya KCK’ê de ev tişt hatin gotin:
“Dema ku hêzên kapîtalîst ên navneteweyî bi pêşengiya DYA’yê amadekariyên xwe yên ji bo bi Projeya Rojhilata Navîn a Mezin bikeve sedsala 21’an, Rêber Apo û Tevgera Azadiyê ya kurd weke astenga herî mezin a li pêşiya berjewendiyên xwe yên modernîst û emperyalîst ên kapîtalîst dîtin û pênase kirin. Wan dît ku Tevgera Azadiya kurd a bi pêşengiya Rêber Apo xwedî potansiyela bandorkirina li hemû Kurdistan û Rojhilata Navîn e. Ji ber ku erdnîgariya Kurdistanê di nava çar dewletên netewe yên serwer ên Rojhilata Navîn de hatiye parvekirin û Tevgera Azadiya kurd a bi pêşengiya PKK’ê karîbû kurdên di bin mêtingeriyên van çar dewletan de dijîn bikişîne nava têkoşîneke girîng. Kurdên ku li her çar parçeyên Kurdistanê û derveyî welat xwe birêxistin kirin û vîna xwe ya azadiyê mezin kirin, nexwestin sedsaleke din bê nasname, bê serok û di bin rejîmeke mêtinger de derbas bikin. Ji ber vê yekê xwedî li Rêber Apo û têkoşîna wî ya azadiyê derketin.
‘Xwestin gelê kurd bênasname, bêrêbertî û bêstatu bihêlin’
Her cure piştgirî û tevlîbûna têkoşînê kirin. Gelê kurd di bin pêşengiya tevgera Apoyî de li Rojhilata Navîn bûn dînamîka herî mezin a guhertin û veguhestinê. Armanca hêzên hegemonîk ên kapîtalîst ên bi pêşengiya DYA’yê bi komploya navneteweyî ya 15’ê Sibatê, ji holê rakirina îradeya azad a kurd bû ku gav bi gav li Rojhilata Navîn dest bi lîstina rola pêşengtiyê dike. Xwestin di sedsala 21’an de jî weke sedsala 20’an kurdan bênasname, bêrêber û bêstatu bihêlin. Ji bo vê jî di nava hevkariyeke pir qirêj de komploya navneteweyî ava kirin. Ji bo di şexsê Rêber Apo de vê komploya li dijî gelê kurd pêk bînin, qet ne bi guman bûn ku di nava xwe de her cure tawîzan bidin û bistînin. Ji ber ku wan hesab kiribûn ku bi hêsanî dikarin Rojhilata Navîn a ku Têkoşîna Azadiyê ya kurd lê bi dawî bûye, bi dest bixin û wekî ku dixwazin ji nû ve dîzayn bikin.
Çawa ku Rêbertiya me, gelê kurd û tevgera me tarza bersivdayîna komploya navneteweyî bû, berxwedaneke mezin û vejîn jî helwesta wê bû. Xeleka berxwedanê ya ku gelê me û şehîdên me yên leheng li derdora Rêbertî ava kirin, xeleka herî bingehîn bû ku nehişt konsepta îmhayê ya bi komployê bigihêje serkeftinê. Dît ku tişta di şexsê Rêber Apo de hat derxistin û li Îmraliyê rehîn hat girtin, di esasê xwe de ‘Kurdayetiya azad’ e, yanî vîna xwe ye. Ji bo vê jî esareta Rêber Apo weke ya xwe dît. Gelê kurd girêdana Têkoşîna Azadiyê ya kurd bi trajediya xwe ya dîrokî re pir baş dît û fêm kir û ji ber ku dizanibû rizgariya wan di têkbirina vê trajediyê de ye, li her derê bi xurtî xwedî berxwedana Îmraliya Dîrokî derkevin.
Helwesta Rêber Apo ya li hemberî komplo û êrîşa qirker a navneteweyî, li ser esasê şikandina çarenûsa trajîk a sedsalê ya ji bo Kurdan hatiye diyarkirin, berxwedaneke mezin bû. Di bin hemû rastiya şewitî ya esaretê de, bi şoreşeke mezin a fikrî û zîhnî bersiv da komployê. Weke rêberê gel ê şoreşger; Weke fîlozofek û şehrezayekî car caran, mîna zanyarekî siyasî û dîroknasekî , hem ji bo guhertina çarenûsa jenosîda trajîk a ku gelê xwe jê re mahkûm kiribû, hem di nava berxwedaniya ruhî, hem jî ya fikrî û hem jî fîzîkî de bû. Di şexsê gelê kurd de fikir û ramanên herî pêşketî yên serdemê pêşkêşî hemû gelan, jinan û hemû komên bindest ên li ber xwe didin kir. Bi feraset û teoriyên nû ku pêşxistiye, paradîgmayeke nû ya jiyana azad û demokratîk afirandiye. Bi jiyana azad û tezên civaka azad ku amade kir, bi parastina herî mezin a serdemê bersiv da komploya herî mezin a serdemê. Parastina şaristaniya demokratîk parastineke gelekî xurt bû ku li ser navê hemû bindestan bi taybet kurd û jinan hate kirin. Hema bêje parastinek li ser navê gelên azad, jiyana azad û civaka demokratîk hate pêşxistin.
Rêber Apo di şert û mercên esareta Îmraliyê de paradîgmaya azadiyê pêş xist
Rêber Apo di şert û mercên esareta Îmraliyê de ne tenê kurd, paradîgmaya civaka demokratîk, ekolojîk û azadiya jinan; ew wekî paradîgma û bernameyeke nû ya jiyan û têkoşînê ku têra guhertina çarenûsa hemû bindestan di sedsala 21’an de dike, pêş xist. Ji ber vê yekê pêvajoya esareta Îmraliyê ya 25 salan weke ku hêzên komploger dixwestin pêk neanî. Berevajî vê, pêvajoyek bû ku fikir û ramana civaka demokratîk û azad di her warî de ji bo mirovahiyê pêşket û mezin bû. Ev fikir û ramanên Rêber Apo li cihên ku îro kurd lê dijîn vediguhere sîstemeke nû ya civakî. Vediguhere feraseteke nû ya jiyan û berxwedanê. kurd û jin jî di nav de hemû gelên bindest ji vê pêşketinê gelekî îlham girtine. Ew vediguhere coş û heyecanek mezin û tevgerek mezin a hêviyê.
‘Ji bo têgihîştina rastiya Rêbertî divê em xebatên xwe hîn berfirehtir û kûrtir bikin’
Êşkence û tecrîda mutleq a li Îmraliyê di şexsê Rêber Apo de tê kirin, di esasê xwe de pergala qirkirinê ye. Pergalaa qirkirina Kurdan e, demokrasî û azadî pergaleke qirkirinê ye. Rêber Apo; Ev bîst û pênc sal in di nava pergala êşkence û qirkirinê ya Îmraliyê de, ku ji aliyê hêzên navneteweyî ve tê birêvebirin û ji aliyê Komara tirk a dagirker ve tê parastin, berxwedaneke dîrokî dimeşîne. Ev berxwedana dîrokî ya Rêber Apo ya li Îmraliyê navenda sereke ya têkoşîna me ya li dijî polîtîkayên qirkirinê û êrîşan e. Em hemû wek gelê kurd, dost, hevrê û milîtanên wan; daxuyaniya Rêber Apo ya li dijî vê pergala êşkence û qirkirinê û li dijî rehînetiya li Îmraliyê; divê em hewl bidin ku bi îradeya têkoşînê ya bîst û pênc salan li ber xwe daye, fêm bikin û kûr bikin û hişyar bikin. Ji bo têgihîştina rastiya Rêbertî divê em xebatên xwe hîn berfirehtir û kûrtir bikin. Bi taybetî jî di derbarê hebûn û azadiya kurdan de û dîsa li ser navê nirxên mirovahiyê yên demokrasî û azadiyê, divê em bi dil û can wate û girîngiya rastiya Rêbertî, şert û mercên nemirovane yên ku niha tê de tê ragirtin, hîs bikin. Di helwesta me ya têkoşînê de helwest û asta îradeya xurt eşkere bikin.
‘Gerîlayên azadiyê bi hêz û moralê ku ji Rêber Apo girtine dîrokeke nû dinivîse’
Gerîlayên azadiya Kurdistanê ji Rêber Apo fikara xwe ya bingehîn a bîrdozî, felsefî û rêxistinî girt; Bi têkoşîna xwe ya bi biryar û îradeya tûj di bîst û çar salên dawî de bû hêza sereke ya ku nehişt komploya navneteweyî bi ser bikeve. Têkiliya gerîlayên azadiyê bi Rêber Apo re ku nayê qutkirin heye û wî weke navenda bingehîn a exlaqî dibînin. Artêşa tirk a dagirker a qirker a mêtinger, îro bi rê û rêbazên dijmirovahî yên ku heta niha nehatine dîtin, li dijî gerîlayên Kurdistanê bêhejmar êrîşên îmhayê pêk tîne. Li dijî hêzên me yên gerîla hemû derfetên şer ên NATO’yê bi awayekî pir hovane bi kar tîne. Li dijî hêzên me yên gerîla ku bi teknolojiya herî dawî ya NATO’yê ku di destê wê de ye nikare wan bitirsîne, gazên kîmyewî û jehrîn bikar tîne. Ew çekên nukleerî û termobarîk taktîk bi kar tîne. Ev hemû rê û rêbazên dijmirovahî yên li hemberî gerîlayên azadiya Kurdistanê tên bikaranîn, weke sûcên şer û sûcên li dijî mirovahiyê tên pêşxistin. Gerîlayên azadiya Kurdistanê bi saya hêz, moral û hişmendiya ku di pêşengiya xwe de bi dest xistiye, li hemberî van êrîşên dijmirovahî yên di çarçoveya sûcê Komara tirk de ne, hêz û vîna xwe ya berxwedanê didomîne. Gerîlayên azadiyê bi hêz û moralê ku ji Rêber Apo girtiye li çiyayên Kurdistanê dîrokeke nû dinivîse. Dîroka Kurdên azad, gelên azad, civaka azad dinivîsin.
Di şexsê Rêber Apo de vîna gelê kurd dîl tê girtin
25 sal in li Îmraliyê di şert û mercên awarte yên êşkence û qirkirinê de hem ji aliyê bedenî, hem ji aliyê manewî û hem jî ji aliyê fikrî ve, taybetmendiya rêbertî û cudahiya rêbertî ye. Îradeya rewşenbîrî û ruhî ya Rêber Apo radixe ber çavan. Ji ber ên ku di şert û mercên tabûta Îmraliyê de ye tenê Rêber Apo ye. Di şexsê Rêber Apo de vîna gelê kurd dîl tê girtin. Ev bîst û pênc sal in dilê gelê kurd li Îmraliyê lê dide. Yanî li gel Rêber Apo gelê kurd di tabûta Îmraliyê de girtî ye. Ji ber vê yekê gelê me her roj li kolan û qadan dibêje ‘Bê serok jiyan nabe’. Bi vê munasebetê em pêngava azadiyê ya ku di pêşengiya gelê kurd û dostên wan de hate pêşxistin û bi salvegera Komploya Navneteweyî ya 15’ê Sibatê re derbasî qonaxa duyemîn dibe û her kesê ku hem beşdarî vê kampanyayê bûye hem jî piştgirî daye, silav dikin.
Komploya navneteweyî ya 15’ê Sibatê weke êrîşeke stratejîk a li dijî hebûna gelê kurd, di şexsê Rêber Apo de li dijî vîna jiyana azad û li ser vê bingehê weke êrîşeke qirkirinê hate pêşxistin. Ev êrîş ne tenê ji aliyê dewletek an çend dewletan ve, di heman demê de ji aliyê pergala kapîtalîst a cîhanî ku nûnerê şaristaniya dewletparêz, desthilatdar û mêr a îro de, weke êrîşeke stratejîk hate kirin. Helwesta israra di xitimandina pirsgirêka kurd de ku hem pirsgirêka herî mezin a Tirkiyeyê û hem jî ya Rojhilata Navîn e, li ser bingeha vê stratejiya komploya navneteweyî bi rengê xwe yê îroyîn didome. Li ser vê bingehê îro stratejiya komploya navneteweyî; Îmraliyê weke sîstema tecrîd û êşkenceyê û her wiha weke helwesta israrê ya ji bo xetimandina pirsgirêka kurd didome. Ev weke cezayê muebbetê yê giran ku bi taybetî ji bo Rêber Apo hatiye sepandin, tê meşandin. Ew wekî rewşa bêragihanfin û wekî cezayên dîsîplînê yên otomatîk tê meşandin.
‘Di rewşa heyî de azadiya fîzîkî ya Rêber Apo pêkan bûye’
Sedema bingehîn a van hemû êrîşên qirkirin û îmhayê yên bi stratejiya komploya navneteweyî ya li dijî Rêber Apo, gelê kurd, tevgera wî û gerîlayê azadiyê; tirsa wan a ji azadiya fîzîkî ya Rêber Apo û veguherandina kurdbûna azad a îradeyeke rêxistinkirî ye. Ya rast di rewşa heyî de azadiya fîzîkî ya Rêber Apo di çarçoveya hiqûqa navneteweyî de pêkan bûye. Lê dewleta tirk a kolonyalîst, qirker hiqûqa navneteweyî ya ku azadiya fîzîkî ya Rêber Apo pêk tîne, paşguh dike û nas nake. Ev helwesta dewleta tirk a ku hiqûqa navneteweyî nas nake sûc e. Ji ber ku rewşa heyî li dijî hiqûqa navneteweyî, mafên mirovan û demokrasiyê didome; Konseya Ewropayê ku pêkhateyên weke DMME û CPT girêdayî wê ne, herî kêm bi qasî dewleta tirk berpirsyar e. Divê Konseya Ewropayê di vî warî de erkên xwe pêk bîne û di çarçoveya prensîbên mafên mirovan, demokrasî û edaletê de bersivê bide hêviyên gelê kurd.
Di encamê de 26’emîn salvegera komploya navneteweyî ya 15’ê Sibatê ji bo gelê kurd û tevgera kurd, ji bo hêzên demokrasî û azadiyê saleke girîng e. Weke gel, tevger û dostên kurd; Em bi biryar in ku ji her demê zêdetir têkoşîna xwe berfireh bikin, ji bo têkoşîna azadiya kurd, ji bo gelan û mirovahiya pêşverû, bi awayekî kolektîf asta pêşketina dîrokî ya ku komployê têk bibe û têkoşîna hebûnê ya gelê kurd derxe holê. Li ser vê bingehê em bang li tevahî gelê Kurdistanê di serî de jin û ciwanan dikin ku ji bo komploya navneteweyî di sala 26’emîn de têk bibe tevlî pêngava azadiyê ya ku di pêşengiya hevalan de hatiye destpêkirin û di 15’ê Sibatê de derbasî qonaxa duyemîn bibin, têkoşînê berfireh bikin û berxwedanê mezin bikin.”
