Koordînasyonê KJKyî serrgêra Komployê 15ê Sibate ser o eşkerayîyêke daye. Eşkerayîye wina ya:
”Ma Komployê Mîyanneteweyî şermezar kenê. Hêzê komplogerî do verê şaran de, verê tarîxî de tim bêrê muhakemekerdene.
Armancê komployî şexsê Rayberîye de qedînayîşê têgêrayîşê azadîye û çinkerdişê kurdan bîyî. La vera nê komployê gemarinî Rayber Apoyî çareserîya Modernîteya Demokratîke afernaye û rayîrê serkewtişê têkoşînî mojna cinîyan û şarê kurdî.
Mîyanê sîstemê qirkerdişî yê Îmraliyî de Rayber Apoyî vurnayîşê paradîgma kerd û qiseyê ‘Bîyayîşê Hîrêyînî’ vat. Rayber Apoyî fikrê neweyî kerdî hêvîya dinya û vengê cinîya azade. Yanî Komployo Mîyanneteweyî bi xoverdayîşê Rayber Apoyî û metodê ci yê têkoşînî ame pûçkerdene.
Vera hêzanê modernîteya kapîtalîste paradîgmaya azadîye ya Rayber Apoyî bîya berê cuya azade. Sîstemo ke bi karakteranê serdestîya camêrdan awan bîyo, vera paradîgmaya ma ya cuya azade de do bin bikewo. Naye ra seserra 21ine de ma sey seserra cinîyan pênase kenê ma hîna hol vînenê ke Komployo Mîyanneteweyî vera pêro cinîyan ê azadîgîran ameyo kerdene. Coka ganî cinîyî bi hişmendîya ney vera komployî û tecrîdî têkoşîn bikerê. Heta ke azadîya Rayber Apoyî bêra caardene ganî bi ruhê seferberî ma rêxistinîya xo xurtêr bikerê.
Bi na wesîle ma venga pêro şarê xo, cinî û ciwanan, rayaumûmîya demokratîke û dostanê xo danê ke seba şiknayîşê dêsanê esaretî yê Îmraliyî, vera komployî seba caardişê azadîya Rayber Apoyî bi ruhê seferberî tewrê çalakîyan bibê.
Ma goş bidê vengdayîşê şehîd Serxwebûn Serhedî ke Operasyonê Şorişgêrî yê Helmet Dêralûkî de vatbi ‘No rayraşîyayîş, rayraşîyayîşêko normal nîyo. Şexsê ma de tarîx û miletêk seba berardişê bezreyî şinê dişmenî ser.’ No rayraşîyayîş, rayraşîyayîşêko normal nîyo û ver bi hişmendîya cuya demoktatîke, azade û têdûşte şino. Ma venga pêro kesan danê ke sere de rayraşîyayîşê Kolnî, seba azadîya Rayber Apoyî, bi ruhê seferberî ma beşdarê pêro çalakîyan bibê. Nê bingeyê azadîya cinîyan ser o ma sîstemê konfederalîzmê demokratîkî aver berê û bi wendişê Rayber Apoyî her ca de rêxistinîya xo xurtêr bikerê.”
