Hemserekîya Konseya Rayberdişî ya KCKyî seba rayraşîyayîşê Kolnî mesajê fîrazkerdişî weşana.
Mesaj wina yo:
”Çarçewa Hemleya ‘Abdullah Ocalanî rê Azadîye, Meseleya Kurdan rê Çareserîya Sîyasîye’ de 17ê sibate de şaristanê Kolnî de rayraşîyayîş û mîtîngêko pîl ame kerdene. Bi vengdayîşê rêxistinanê kurdîstanijan û dostanê kurdan bi des hezaran kesî warê mîtîngî de kom bîyî û mîtîngêko heybetîn kerd. Ma nê mîtîngê heybetînî selam kenê, şarê xo û dostanê xo yê ke beşdarê rayraşîyayîş û mîtîngê Kolnî bîyê selam kenê.
Ma pêro dostanê xo, cinîyan, ciwananê enternasyonalîstan fîraz kenê ke tewrê Hemleya Azadîye bîyê. No tewirêko girîng û manadar o. Şarê kudî xîret û destekê şima zaf ercîyayeyî vîneno.
Bi rayraşîyayîş û mîtîngê Kolnî Hemleya Azadîye zî resaye bi se hezaran kesan û derbazê safhayêka newîye bîye. Na safha zî girsebîyayîşê hemle yo. Ma pê bawer ê ke nika ra pey Hemleya ‘Abdullah Ocalanî rê Azadîye, Meseleya Kurdan rê Çareserîya Sîyasîye’ her ca de, çar parçeyanê Kurdîstanî û teberê welatî de bi beşdarîya bi mîlyonan merdiman hîna girseyî biba. Nê esasî ser o ma venga şarê xo, dostanê xo, cinîyan, ciwanan û pêro hêzanê azadî û demokrasîyî danê ke karê xo pîl bikerê, çarçewa Hemleya Azadîye de her ca de xo biresnê bi mîlyonan merdiman û hemle ser bivisnê.”
