Parlamentera DEM Partî ya Amedî Ceylan Cupolo Akçaya ke Rayraşîyayîşê Azadîye yê Pîlî de ca girewt ANFyî rê qisey kerd.
Ceylan Cupolo Akçaye nê vatî: Seba ke yeno zanayene ke Birêz Ocalan semedê kurdan yeno çi mana û eşkeno Rojhelatê Mîyanênî bibedilno sîstemê tecrîdî xorîyêr kenê. Wazenê ke Birêz Ocalanî şarê ci ra raqilnê û meverdê rayîr ramono. Bi tecrîdê Îmraliyî mesaj danê heme şaran. Rejîmê Afrîkaya Başûre û Kurdîstanî secîye yo.
Heme çalakîyê vera tecrîdî hetê şarî dîyayî destpêkerdene. Şar û rêxistinê komelê sîvîlî serkêşîya çalakîyan kerd. Ma zî sey fîguranê sîyasîyan tewrê çalakîyan bîyî. Na çalakîye de zî rayberîye zîndanan de bî. Serkêşîya nê çalakîyan tepişte û dayîkan kerde. Şarî her çî girewt çiman ver, vejîya waran. Gama verêne xoverdayoxanê zîndanan eşte û rixmê şertanê zehmetan berpirsîyarîye girewt xo ser. Dayîkanê ma zî bêters gama bîne eşte. Rixmê heme sîyasetê tersnayîş û zextan dayîkî û xoverdayoxê zîndanan serkêşîye kenê.
Rayraşîyayîşê ma bi coşî ame kerdene, şar zaf wayîrê ci vejîya. Hem şarî hem zî raywanan qerardarîya xo ramojna. Her bajarî de bi hezaran kesî tewrê ma bîyî ma pîya rayraşîyayîş kerd. Ma pîya waştişê xo yew fekî ra ardî ziwan. Rixmê zextê polîsan şarî ma têna nêverda û verê tehdîtanê polîsan de milê xo çewt nêkerd. Nê vera tecrîdî û semedê azadîya fîzîkîye qerardarîya ma fîna çiman ver. Eke bêrê Îmraliyî bêrê akerene xeylêk krîzî eşkenê bêrê çareserkerdene. Nê hinî her kes zaf hol zano.” AMED
