Dewleta Tirk a dagirker ya ku nikare xwe li ber berxwedana gerîlayên azadiyê rabigire, serî li rê û rêbazên dermirovahî dide. Dewleta dagirker bi hevkariya malbata sîxur barzanî û çeteyên wê PDK’ê êrîşî başûrê Kurdistanê dike û tevî pêşmergeyan. Dewleta tirk a dagirker ji sala 2015’an û vir ve êrîşeke giran dibe ser xaka başûrê Kurdistanê û ji hingî ve herî kêm 152 sivîl qetil kir, 228 sivîl jî birîndar kir. Heta niha Parlamentoya Herêma Kurdistanê daxuyanî nedaye û wekî her car bêdengiya xwe didomîne.
Dewleta tirk a dagirker şevê din gundê Kafiya yê nehiya Dînartê ya navçeya Akrê ya Duhokê bombe kir. Hate ragihandin ku di encama êrîşê de 2 pêşmerge mirin, du kesên li gel wan bû jî agahî ji wan nayê wergirtin. Hate ragihandin ku pêşmergeyên jiyana xwe ji dest dane Arîf Taha (61) û Beşîr Omer Alî (68) in. Tê gotin 2 kesên din jî ji heman malbatê bi pêşmergeyan re bûn û heta niha aqûbeta wan nayê zanîn. Li gorî agahiyan herdu pêşmerge dema ku li quntara Çiyayê Siyarê li nava bax û baxçeyên xwe dixebitîn hatine bombekirin.
