Fermandarîya Qerargehê Merkezê Pawitişê Şarî (MPŞ) bi mesajêkî pêro fermandar û şerwanê Operasyonê Şorişgêrî yê Şehîde Doga Vîyan fîraz kerdî.
Mesajê MPŞyî wina yo:
”17ê sibate de Warê Xoverdayîşî yê Girê Cûdîyî yê Zapî de netîceya Operasyonê Şorişgêrî de baregehê dişmenî bi temamî ame destvistene. Operasyonê Şorişgêrî yê Şehîde Doga Vîyane de artêşa tirke ya îşxalkere derba eciqnayîşî girewte. Operasyon de 37 îşxalkerî ameyî cezakerdene, dest nîya bi desan çekan û malzemeyanê leşkerîyan ser. Baregehê dişmenî zî ame îmhakerdene. Serrgêra Komployê Mîyanneteweyîyî de caardişê operasyonêkê winayênî zaf girîng bi û cewabêko raşt bi.
Ma pêro şerwan û fermandaranê nê operasyonî fîraz kenê. Ma zerrî ra bawer kenê ke taktîkê şima do xurtêr bê û şima do serkewtişanê hîna pîlan bivisnê destî.
Dewleta tirke ya îşxalkere binkewtişê xo yê Herêmanê Pawitişî yê Medya nimnena. Rixmo ke nê operasyonî de 37 kişteyî dayî teyna yew kişteyê xo eşkera kerd. No nêzdîbîyayîş mojneno ke îqtîdarê AKP-MHPyî yo faşîst çendek qels bîyo.
Dewleta tirke ya îşxalkere, rejîmo faşîst û medyaya ci ya şerê taybetî çendek wina nêzdî bibê zî û raştîyan binimnê zî Operasyonê Şorişgêrî raştîyan eşkera kenê. Coka wa her kes fam bikero ke hezar zûrî verê raştîyêke de çin bibê.” BEHDÎNAN
