Heyetê Parlementeranê Mîyanneteweyîyî yo ke seba ke vera tecrîdê serê Rayberê Şarê Kurdî Abdullah Ocalanî pêvînayîşan bikerî Stenbolî zîyaret kerd, vizêr agêra welatê xo.
Endamanê heyetî ra Wekîla Parlamentoyê Katalonya Montserrat Vinyets Pages agêrayîşê Stenbolî de Parlamentoyê Katalonya de derheqê sîstemê qirkerdişî yê vera Rayberê Şarê Kurdî Abdullah Ocalanî de qisey kerd.
Montserrat Vinyets Pages vistvîre ke Abdullah Ocalan 25 serrî yo binê tecrîdê giranî de yo û vat înan Îstanbul de avûkatanê Abdullah Ocalanî û dezgehanê komelê sîvîlî yê ke Tirkîya de semedê heqanê merdiman têkoşîn kenê, înan reyde pêvînayîşî kerdî.
Montserrat Vinyets Pages derheqê tecrîdî nê vatî: ”Hîrê serrî yo tira xebere nîna girewtene. Qet xeberêke nînan girewtene. No îşkence yo. Coka ma ewro serrgêra tepiştişê ci ya 25ine de ma tîya de yê ke vengê xo bidê eşnawitene. Ma Komîteya Vergirewtişê Îşkenceyî (CPT) ya Konseya Ewropa ra wazenê ke wa mudaxale bikero. Ma bi nameyê berpirsîyarîye û demokrasîyî wazenê ke wa Birêz Ocalan û heme tepişteyê sîyasîyî yê kurdî cade bêrê veradayene.”
