Qefleyêkê ciwanan bi eşkerayîyêke da pêhesnayene ke ê vera hêrişanê dewleta tirke û çeteyanê ci tewrê refanê Hêza Rizgariya Efrînê (HRE) bîyî.
Eşkerayîye de nê ameyî vatene: ”Dewleta tirke ya îşxalkere sere de vera Rayber Apoyî zext kena. Bi polîtîkayanê cîya cîyayan ê şerî hêrişê şarê ma kena. Verê çimanê dinya de Efrîn, Serêkanîyê û Girê Sipî ameyî îşxalkerdene. Ewro dewleta tirke û çeteyê ci cayê ke îşxal kerdî tîya de vera şarê ma her qeydê metodanê leyminan şuxulnenê. Cînayetî ra heta merdim remnayîş, tecawuzî ra heta destsernayîşê malê şarî û bedilnayîşê demokrafîkî… Bi teyarayanê şerî û keşîfî hewcedarîye cuyeyî yê şarê ma yenê hedefgirewtene. Her warî de vera şarê ma zext û qirkerdiş beno û dinya vera nê kerdişan ker, kor û lal a.
Ma sey ciwananê ereb û kurdan sere de semedê cewabdayîşê tecrîdê serê Rayber Apoyî, semedê qesasgirewtişê hêrişê serê şarî soz danê ke ma do vera dişmenî çeke bigerê.”
Ciwan veng da ciwanan ke wa berpirsîyarîya xo bîyarê ca û tewrê refanê azadîye bibê.
