Wezîrê Edaletî yê Îzlanda yê verênî û beşdaranê Hemleya ‘Abdullah Ocalanî rê Azadîye, Meseleya Kurdan rê Çareserîya Sîyasîye’ ra Ogmundur Jonassonî derheqê tecrîdê Îmraliyî û girîngîya azadîya Rayberê Şarê Kurdî Abdullah Ocalanî de ANFyî rê qisey kerd.
Jonassonî dîyar kerd ke tecrîdê Îmraliyî nêno qebulkerdene û ganî Abdullah Ocalan azad bibo. Jonassonî vat: ”Azadîya Abdullah Ocalanî do seba destpêkerdişê prosesê haştîye girîng biba. Prosesê çareserîya meseleya kurdan prosesêko girîng bi. Çareserîya meseleya kurdan seba haştîya Tirkîya û Rojhelatê Mîyanênî ganî bêra kerdene. Coka ganî hinî azadîya Ocalanî bêra caardene. Heyf ke çew verê tecrîdî de vengê xo nêkeno. Ewropa qayîdeyanê Mandelayî Tirkîya rê ferz nêkena. Ganî dinya na dirîtîye ra fek vera bida.”
Jonassonî îfade kerd ke haştîya mabênê kurdan û tişrkan do bi hawayêkê holî tesîrê pêro herême bikera û vat: ”Şert û mertê newe ra destpêkerdişê pêvînayîşanê haştîye bi akerdişê beranê Îmraliyî mumkîn ê. Ez Tirkîya ra, Kurdîstanî ra û Iraqî ra gêraya û her kesî sey mi vat. Şertê dîyalogan o yewin azadîya Ocalanî ya.” BRUKSEL
