Rojnameyê Filelfterosî yê Kibrisî Rayberê Şarê Kurdî Abdullah Ocalanî sey ‘rayberêkê globalî’ pênase kerd û kitabê ey ‘Manîfestoyê Şaristanîya Demokratîke’ ra nuşteyê bi sernameyê ‘Kerrayanê Îmraliyî ra Ez Zîncîr Kerda’ weşana.
Nuştoxê rojnameyî Alekos Mihalidisî meqaleya xo de îfade kerd Abdullah Ocalan 25 serrî yo Zîndanê Îmraliyî yê Tirkîya de tecrîdkerde yo û nê serran de nuşteyê ey açarîyayê 25 ziwanan zî.
Rayberê Şarê Kurdî Abdullah Ocalan nuşteyê bi sernameyê ‘Kerrayanê Îmraliyî ra Ez Zîncîr Kerda’ de qalê prosesê Komployê Mîyanneteweyîyî keno û bale anceno ser ke welatê sey Îngilîstan, Amerîka û Rûsya bi hawayêkê hemparî tewrê komployî bîyê. LEFKOŞA
