Ronayoxanê Jagori Grameenî ra û îdarekaranê înîsîyatîfê femînîstan ê globalî ‘One Bilion Rising’î ra aktîvîsta hîndîstanije ya femînîste Abha Bhaiya derheqê girîngîya azadîya Rayberê Şarê Kurdî Abdullah Ocalanî de ajansê ma rê qisey kerd.
Lîdera femînîste Abha pare kerd ke paradîgmaya Rayberê Şarê Kurdî seba demokrasî û têdûştîye zaf girîng a û vat: ”Paradîgmaya Ocalanî dinyayêka newîye pêşkêş kena. Ocalan femînîstêko bêhempa yo. Abdullah Ocalan modelanê îdareyî yê nikayênan ra cîya modelêkê neweyî pêşkêş keno. Ewro 22 herêmanê dinya de şer est o. Kapîtalîzm vera haştîye yo. Vera ney Abdullah Ocalan haştîye paweno.”
Abha îfade kerd ke zaf çîyî est ê ke têgêrayîşê femînîstî yê globalî eşkenê cinîyan ê kurdan ra bimusê û vat: ”Ma seba cinîyan ê kurdan destê ma ra çi yenê kenê. Ma seba azadîya Ocalanî zî tim kom benê. Bi nê hawayî ma eşkenê têgêrayîşê femînîstî yê cinîyan ê kurdan bimojnê. Mi gore Ocalan lîderêko femînîst o û o eşkeno lîderîya dinyayêka cîya bikero. Mi Ocalanî ra ber kesêkê bînî de felsefeya sey yê ey nêdîye. Ocalan ganî azad bibo. Ganî vengê ey newe ra bieşnawîyo ke o vajo ‘Ma aîdê na dinya yê û na dinya zî yê ma ya’.”
