Komîteya Keyeyanê Şehîdan ê Kampa Multecîyan a Mexmûrî şehîdê Dêrsimî Fermandarê Eyaletê Dêrsimî Yaşar Botan (Osman Manuk), Endamê Fermandarîya Eyaletê Dêrsimî Şevger Semsûr (Zeynel Kuçuk) û Arjîne Sarya (Şehrîbane Tehmenuray) yad kerdî.
Yadkerdişî bi deqayêkê rêzgirewtişî dest pêkerd.
Dima babîyê Şehîd Yaşar Botanî Mehmûd Zêwkîyî qisey kerd û vat: ”Sereyê Rayber Apoyî û şarê ma weş bê. Lajê mi Yaşar wexto ke ma koçê tîya kerdbî 8 serre bi. O bi kêfweşî tewrê gerîlayan bibi. Ma do tim şehîdanê xo yad bikerê û rêçê Rayber Apoyî de şorê.”
Hemvervatoxê Komîteya Keyeyanê Şehîdan Murad Encuyî pare Rayberê Şarê Kurdî, keyeyanê şehîdan û gerîlayan rê serweşîye waşte û gerîlayan rê serkewtiş waşt.
Qiseykerdişan ra dima derheqê cu û têkoşînê hîrê şehîdan de sînevîzyonêk ame mojnayene. Merasîmê yadkerdişî bi sloganê ”Bijî Serek Apo” û ”Şehîd Namirin” qedîya. MEXMÛR
