Koordînasyonê Komelgeha Ciwanên Rojhilatê Kurdistanê (KCR) nasnameyê şehîdêkî eşkera kerd û nê pare kerdî:
”17ê êlula 2023yî de netîceya hêrişê dewleta tirke yê vera herêma Pênciwênî de endamê Koordînasyonê KCRyî, hemra û fermandarê ma Barzan Hesen Zade bi nameyê mîyanê têgêrayîşî ”Tolhildan Qendil” tewrê kerwanê şehîdan bi.
Embazê ma Tolhilda 1994 de bajarê Mahabadî yê Rojhelatê Kurdîstanî de yeno dinya. Serranê xo yê ciwanan de fîkranê Rayber Apoyî û Têgêrayîşê Azadîye yê Kurdîstanî sarisneno. Seba ke semedê hîşyarkerdişê ciwanan û şarî gureyeno hetê rejîmê Îranî ra yeno tepiştene û zîndananê îşkenceyê Îranî de maneno. Gama ke unîversîte waneno pîya bi Şehîd Argeş Şoreş û qefleyêkê embazanê xo 2016 ve verê xo dano koyanê Kurdîstanî. Embaz Tolhildan akademîyanê Ş.Hêmin Bêkes û Ş.Alî Çîçek de perwede vîneno û waranê sey Asos, Pênciwên û Qendîl de xebatanê muhîman û stratejîkan de ca geno.
Ma sey KCRyî hemra û fermandanê xo yê erjîyayeyî embaz Tolhildanî bi rêzdarî yad kenê û sozê serkewtişî danê. Ma sere de keyeyê erjîyayeyî yê embaz Tolhildanî şarê têkoşêrî yê Mahabad, Mukiriyan û şarê welatperwerî yê Kurdîstanî rê serweşîye wazenê. Hemra Tolhildan tim do sembolo serkêş ê ciwanan bo.”
